Olay - Press-fakt.az ictimai-siyasi onlayn qəzet

Gədəbəydə ata oğlunu qətlə yetirib -

admin — Sun, 16 Nov 2025 09:33:19 +0400

Gədəbəydə qətl hadisəsi baş verib.

Press-fakt APA-ya istinadla xəbər verir ki, hadisə rayon ərazisində qeydə alınıb.

Rayon sakini, 1988-ci il təvəllüdlü R. İlyasov bıçaqlanıb və aldığı ağır xəsarətlər nəticəsində hadisə yerində dünyasını dəyişib. Mərhumun meyiti müvafiq ekspertiza aparılması üçün aidiyyəti quruma təhvil verilib.

İlkin məlumata görə, 37 yaşlı kişini atası İ. İlyasov bıçaqlayaraq qətlə yetirib. Hadisənin başvermə səbəbləri hələlik məlum deyil.

Əraziyə prokurorluq və polis əməkdaşları cəlb olunub. Faktla bağlı araşdırma aparılır.

Bakıda çoxmərtəbəli yaşayış binasında yanğın baş verib -

admin — Sun, 16 Nov 2025 00:57:19 +0400

Bakıda yaşayış binasındakı yanğında zəhərlənən iki nəfər Kliniki Tibbi Mərkəzə yerləşdirilib.

Press-fakt xəbər verir ki, bu barədə TƏBİB-dən bildirilib.

Belə ki, noyabrın 15-də saat 20:50 radələrində Respublika Təcili və Təxirəsalınmaz Tibbi Yardım Mərkəzinə Nizami rayonu ərazisində yerləşən yaşayış binasında yanğın hadisəsinin baş verməsi səbəbilə təcili çağırış qeydə alınıb.

Çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən 1 nəfərə (qadın) nevrasteniya diaqnozu ilə yerində ilkin tibbi xidmət göstərilib, iki nəfər (kişi və qadın) isə tüstüdən zəhərlənmə diaqnozu ilə Kliniki Tibbi Mərkəzə hospitalizasiya olunub.

***

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nizami rayonu, Məhsəti Gəncəvi küçəsində yerləşən yaşayış binasında yanğın baş verməsi barədə məlumat daxil olub və dərhal əraziyə Nazirliyin Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

Bu barədə Press-fakt-a FHN-dən məlumat verilib.

Bildirilib ki, əməliyyat şəraitinə uyğun olaraq yanğınsöndürənlər tərəfindən həyata keçirilmiş zəruri və təxirəsalınmaz tədbirlər sayəsində onyeddimərtəbəli yaşayış binasının onyeddinci mərtəbəsində yerləşən mənzildə baş vermiş yanğın genişlənməsinə, o cümlədən digər mənzillərə yayılmasına imkan verilmədən qısa müddətdə söndürülüb.

Yanğın nəticəsində ümumi sahəsi 55 m² olan ikiotaqlı mənzilin eyvanının yanar konstruksiyaları və əşyaları 15 m² sahədə yanıb.

Mənzilin böyük hissəsi və digər mənzillər yanğından mühafizə olunub.

Rusiyada ağır yol qəzasında ölənlərin sayı artıb

admin — Sat, 15 Nov 2025 00:50:06 +0400

Rusiyanın Perm diyarında sərnişin mikroavtobusu ilə yük avtomobilinin toqquşması nəticəsində ölənlərin sayı artıb.

Report-un məlumatına görə, bu barədə Rusiya İstintaq Komitəsinin region üzrə mətbuat xidməti məlumat yayıb.

"Hadisə nəticəsində biri 17 yaşlı qız olmaqla 7 nəfər həlak olub, daha 12 şəxs yaralanıb", - idarədən bildirilib.

Faktla bağlı cinayət işi açılıb, araşdırma aparılır.

"AZƏRSİLAH" holdinqin ZAVODUNDA QƏZA -

admin — Fri, 14 Nov 2025 19:00:04 +0400

Bu gün günorta saatlarında "Azərsilah" Müdafiə Sənayesi Holdinqi" QSC-nin strukturuna daxil olan "Sənayecihaz" Elmi-İstehsalat Müəssisəsinin Şirvan şəhərində yerləşən zavodlarından birində istehsalat qəzası baş verib.

Bu barədə Müdafiə Sənayesi Nazirliyindən bildirilib.

Qeyd edilib ki, qəza nəticəsində müəssisənin əməkdaşı İsmayılov Adil Balaş oğlu həlak olub.

Hazırda aidiyyəti qurumlar tərəfindən araşdırmalar aparılır.

Xatırladaq ki, ötən il iyul ayının 6-da Müdafiə Sənayesi Nazirliyinin Şirvanda yerləşən "Telemexanika" zavodunda 1 nəfərin ölümü, 11 nəfərin yaralanması ilə nəticələnən partlayış baş vermişdi.

***

Bu gün günorta saatlarında “Azərsilah” Müdafiə Sənayesi Holdinqi” QSC-nin strukturuna daxil olan “Sənayecihaz” Elmi-İstehsalat Müəssisəsinin Şirvan şəhərində yerləşən zavodlarından birində istehsalat qəzası baş verib və nəticədə müəssisənin əməkdaşı İsmayılov Adil Balaş oğlu həlak olub.

Press-fakt xəbər verir ki, "teleqraf"-ın əldə etdiyi məlumata görə, bədbəxt hadisə nəticəsində ölən Adil İsmayılov ehtiyatda olan mayor olub.

1969-cu il təvəllüdlü A.İsmayılov Yardımlının Arus kəndindəndir.

Birinci Qarabağ müharibəsi iştirakçısı olmuş A.İsmayılov Daxili İşlər Nazirliyinin Daxili Qoşunlarında da xidmət edib.

2010-cu ildə mayor rütbəsində ehtiyata buraxıldıqdan sonra Müdafiyə Sənayesi Nazirliyinin müəsisələrinin birində mühəndis–sınaqçı, daha sonra Sınaq sahəsinin rəisi vəzifəsində çalışıb.

Ailəlidir, 3 övladı və 4 nəvəsi var.

İcra başçısı rayon sakinlərini məhkəməyə verdi

admin — Fri, 14 Nov 2025 11:15:16 +0400

Şabran rayon İcra Hakimiyyətinin başçısı Asif Hüseynovun 2 sakin haqda rayon məhkəməsinə xüsusi ittiham qaydasında şikayət edib.

Press-fakt xəbər verir ki, icra başçısı rayonun Uzunboyad kənd sakinləri Səbirə Vəliyeva və oğlu Vüsal Muradov barəsində Cinayət Məcəlləsinin 147.2-ci (böhtan) və 148-ci (təhqir) maddələri üzrə iddia qaldırıb.

Başçını narazı salan isə kənd sakinlərinin mətbuat üzərindən ondan pullarını tələb etmələridir.

Şabran rayon Uzunboyad kənd sakini Vüsal Muradov mətbuata müraciət edərək Şabran rayon İcra Hakimiyyətinin rəhbəri Asif Hüseynovun onlara olan borcu ödəməməsindən şikayətləniblər.

Kənd sakini iddia edir ki, anası Səbirə Vəliyeva 2022-ci ildə ümumi dəyəri 10 min 500 manat olan 15 ton toxumluq arpanı icra başçısına nisyə satsa da, pulunu ala bilməyib.

Arpa satılan zaman icra başçısı özü qapıya gəldiyi üçün, ona inanıblar və alış-verişlə bağlı hər hansı sənəd imzalamayıblar.

“Sənəd yoxdur. Elə-belə inandıq da. Dedik daha bu boyda rayonun başçısıdır. Mən onunla sənəd imzalayım, notariusa aparım, qol çəkdirim ki, nisyə verirəm? Elə olmur axı... Ayıbdır. Dedi, verdim. Mən də inandım ki, daha bu boyda rayonun başçısıdır da, yalan danışmaz”, - Vüsal Muradov bildirib.

Oktyabrın 20-də ailə deyib ki, şikayətdən sonra onlara Şabran rayon İcra Hakimiyyətinin rəhbəri Asif Hüseynovun Səbirə Vəliyeva və oğlu Vüsal Muradovla görüşmək istədiyi bildirilib.

Bundan bir neçə gün sonra isə Şabran Rayon Məhkəməsinə icra başçısı Asif Hüseynovun xüsusi ittiham qaydasında şikayəti daxil olub.

Artıq şikayət üzrə hazırlıq iclası keçirilib və xüsusi ittiham üzrə noyabrın 19-na baxış iclası təyin olunub./mənbə:müsavat

Türkiyənin Xorvatiyaya göndərilən yanğınsöndürmə təyyarəsi qəzaya uğrayıb -

admin — Fri, 14 Nov 2025 00:22:33 +0400

Türkiyənin Kənd Təsərrüfatı və Meşəçilik Nazirliyi Meşə Təsərrüfatı Baş İdarəsinə məxsus yanğınsöndürmə təyyarəsi qəzaya uğrayıb.

"Report" xəbər verir ki, bu barədə Kənd Təsərrüfatı və Meşəçilik Nazirliyi məlumat yayıb.

Nazirlik iki AT802 yanğınsöndürmə təyyarəsinin texniki xidmət üçün Xorvatiyaya yola düşdüyünü, lakin onlardan biri ilə əlaqənin kəsildiyini bildirib.

"Təyyarələr bu gün Türkiyə vaxtı ilə saat 17:38-də (GMT+3) Zaqreb Hava Limanına yenidən havaya qalxıb və əlverişsiz hava şəraiti səbəbindən geri qayıdıb. Təyyarələrimizdən biri geri dönmə zamanı Rejika Hava Limanına eniş edib, Türkiyə vaxtı ilə saat 18:25-dədigər təyyarə ilə radio əlaqəsi kəsilib", - nazirliyin açıqlamasında bildirilir.

Nazirlik itkin düşmüş təyyarənin və pilotunun yerini müəyyən etmək üçün Xorvatiya hakimiyyəti ilə əlaqələndirilmiş şəkildə axtarış-xilasetmə işlərinə başlandığını açıqlayıb.

***

Türkiyəyə məxsus yanğınsöndürən təyyarə radarlardan itib

APA-nın Türkiyə bürosu xəbər verir ki, bu barədə Türkiyə Kənd Təsərrüfatı və Meşə Təsərrüfatı Nazirliyi məlumat yayıb:

“Türkiyə Meşə Təsərrüfatı Baş İdarəsinə məxsus iki ədəd AT802 yanğınsöndürmə təyyarəsi texniki baxış üçün Xorvatiyanın Zaqreb şəhərinə gedərkən əlverişsiz hava şəraiti səbəbindən Reyka hava limanına yönəlib.

Təyyarələrdən biri təhlükəsiz eniş edib, lakin digəri ilə 18:25-də radio əlaqəsi kəsilib. İtkin düşən təyyarə və pilotun tapılması üçün Xorvatiya rəsmiləri ilə birgə axtarış-xilasetmə işlərinə başlanılıb”- deyə nazirlikdən bildirilib.

Vətəndaşlara yarım milyonluq ziyan vurub ölkədən qaçdı

admin — Fri, 14 Nov 2025 00:15:02 +0400

Xaricdən avtomobil almaq üçün külli miqdarda ödəniş edən şəxslərin maşınları 4 aydır ki, ölkəyə gəlib çıxmır.

Press-fakt xəbər verir ki, Xəzər TV-yə müraciət edən şəxslər “Əsədzadə Sənan” MMC vasitəsilə Çindən avtomobil sifariş etdiklərini, lakin 4 aydır avtomobillərini təhvil ala bilmədiklərini deyiblər.

Onlar iddia ediblər ki, bu hal 100-ə yaxın şəxsin başına gəlib. Şikayətçilər şirkət tərəfindən hədələndiklərini də iddia ediblər.

Sözügedən şirkətin direktoru Sənan Əsədzadə isə problemin qarşı tərəfdən qaynaqlandığını deyib. O, müqavilə bağlandıqdan sonra “invoys” göndərildiyini və müştərilərin 24 saat ərzində onu təsdiqləməli olduğunu bildirib. S.Əsədzadə vətəndaşların təyin edilən müddətə müqaviləni təsdiqləməyərək ödəniş etmədiyi üçün bu vəziyyətin yarandığını qeyd edib.

Daxili İşlər Nazirliyinin (DİN) Mətbuat xidmətinin əməkdaşı Cəsarət Qəmbərli bildirib ki, xarici ölkədən avtomobil gətirmək adı ilə vətəndaşlara qarşı kütləvi dələduzluq əməlləri törətməkdə şübhəli bilinən Sənan Əsədzadə barəsində axtarış elan olunub: “27 yaşlı Sənan Yavər oğlu Əsədzadə barəsində dələduzluq əməlləri ilə bağlı 17 epizod üzrə Nərimanov Rayon Polis İdarəsində cinayət işi başlanıb. Həmin faktlar üzrə vətəndaşlara dəyən zərər 412 min dollar təşkil edir. Müəyyən edilib ki, o, vətəndaşlara müxtəlif yalan vədlər verməklə ölkəni tərk edib. Hazırda cinayət işi üzrə istintaq tədbirləri görülür”.

Türkiyədə ard-arda 3 güclü ZƏLZƏLƏ -

admin — Thu, 13 Nov 2025 10:30:16 +0400

Türkiyənin Balıkesir vilayətinin Sındırqı rayonunda maqnitudası 4-dən böyük ard-arda üç zəlzələ baş verib.

Press-fakt xəbər verir ki, bu barədə Fövqəladə Halların İdarə Edilməsi Agentliyi (AFAD) məlumat yayıb.

Yeraltı təkanlar Bakı vaxtı ilə 07:16, 07:20 və 07:21-də qeydə alınıb. Onlardan ən güclüsü 4,7, digər ikisi isə 4,2 maqnitudada olub.

Zəlzələlərin episentri müvafiq olaraq 12,31, 7,89 və 7 kilometr dərinlikdə yerləşib.

Yeraltı təkanlar ətraf şəhərlərdə də hiss olunub.

Təyyarənin qəzaya uğradığı ərazidə son görüntülər -

admin — Wed, 12 Nov 2025 10:20:13 +0400

Xəbər verdiyimiz kimi, dünən Azərbaycandan havaya qalxan Türkiyəyə məxsus C130 tipli hərbi nəqliyyat təyyarəsi Gürcüstan ərazisində qəzaya uğrayıb. Nəticədə təyyarədəki 20 ekipaj üzvü şəhid olub.

Press-fakt xəbər verir ki, hazırda qəzanın baş verdiyi ərazidə axtarış-təhqiqat işləri aparılır.

Sözügedən ərazidən ən son görüntüləri təqdim edirik:

Qəzaya uğrayan Türkiyə təyyarəsindəki 20 hərbçinin hamısı şəhid olub -

admin — Wed, 12 Nov 2025 09:50:22 +0400

Türkiyə Milli Müdafiə Nazirliyi Gürcüstanda C-130 nəqliyyat təyyarəsinin qəzaya uğraması nəticəsində 20 hərbçinin həlak olduğunu təsdiqləyib.

Bu barədə nazirliyin yaydığı bəyanatda bildirilib.

"Noyabrın 11-də Gürcüstan-Azərbaycan sərhədində C-130 hərbi-nəqliyyat təyyarəsinin qəzaya uğraması nəticəsində 20 hərbçimiz həlak olub. Səhər saat 6:30-da Gürcüstan hakimiyyəti ilə razılaşdırılaraq təyyarəmizin qəzaya uğradığı yerdə axtarış-xilasetmə əməliyyatlarına və qəza ilə bağlı araşdırmalara başlanılıb", - deyə məlumatda bildirilir.

Türkiyənin milli müdafiə naziri Yaşar Gülər də hadisə bağlı açıqlama yayıb: "Qəhrəman döyüş yoldaşlarımız 2025-ci il noyabrın 11-də Azərbaycandan ölkəmizə uçan C-130 hərbi yük təyyarəmizin Gürcüstan-Azərbaycan sərhədində qəzaya uğraması nəticəsində şəhid olub. Şəhidlərimizin ailələrinə və xalqımıza öz adımdan və Milli Müdafiə Nazirliyinin üzvləri adından başsağlığı verirəm".

Bundan başqa nazirlik şəhid hərbçilərin ad və soyadlarını da açıqlayıb.

Gökhan Korkmaz – Pilot

Serdar Uslu – Zabit

Nihat İlgen – Zabit

Cüneyt Kandemir – Zabit

Emre Mercan – Baş Leytenant

Nuri Özcan – Baş Çavuş

Ümit İnce – Zabit

Burak Özkan – Zabit

Emrah Kuran – Zabit

Hamdi Armağan Kaplan – Zabit

Akın Karakuş – Zabit

İlker Aykut – Baş Qərargah rəisi

Ramazan Yağız – Zabit

Emre Altiok – Zabit

Burak İbbiği – Zabit

İlhan Ongan – Baş Çavuş

Berkay Karaca – Zabit

Ahmet Yaşar Kuyucu – Zabit

Cem Dolapcı – Zabit

Emre Sayın – Zabit.