Çempionlar Liqasının 1/8 final mərhələsinin “Real" – “Liverpul” cavab matçının (1:0) sonunda “Santyaqo Bernabeu”da İngiltərə klubunun himni səsləndirilib.

Hakim Feliks Zvayerin oyunun bitdiyini bildirən fitindən sonra Madrid təmsilçisin himni əvəzinə "You'll Never Walk Alone" mahnısı səsləndirilib. İspaniya klubu İngiltərədəki ilk oyundan əvvəl "Liverpul"un hərəkətinə belə cavab verib.

Həmin görüş ərəfəsində "Real"ın fəxri prezidenti Amansio dünyasını dəyişib. Qarşılaşma bir dəqiqəlik sükutla başlayıb və Mersisayd təmsilçisinin əfsanəvi keçmiş futbolçusu və məşqçisi Kenni Dalqliş "Real"ın azarkeşlərinin olduğu sektorun önünə gül dəstələri qoyub.

Qeyd edək ki, "Real" Çempionlar Liqasında "Liverpul"u ümumi hesabda 6:2 hesabı (5:2, 1:0) ilə məğlub edərək 1/4 finala yüksəlib.

Bakıda şirkətə məxsus yaşayış binasının liftinin fəaliyyəti dayandırılıb.

Bu barədə Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, FHN-in Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin müfəttişləri tərəfindən paytaxtın Binəqədi rayonu, Cavadxan küçəsi, 51 ünvanında yerləşən “Xəzər tikinti-2004” MMC-yə məxsus çoxmərtəbəli yaşayış binasının liftində plan üzrə yoxlama aparılıb.

Yoxlama zamanı liftin müvafiq təhlükəsizlik tələblərinə riayət olunmadan istismar edildiyi və insan həyatı və sağlamlığı üçün təhlükə yaratdığı müəyyən olunub.

Qeyd olunanlar nəzərə alınaraq, liftin istismarı dayandırılıb və aşkar edilmiş texniki təhlükəsizliklə bağlı pozuntuların aradan qaldırılması üçün “Xəzər tikinti-2004” MMC qarşısında məsələ qaldırılıb. Həmçinin müvafiq akt tərtib edilərək yalnız qayda pozuntularının aradan qaldırılacağı təqdirdə liftin istismarının mümkün olacağı və liftin müvafiq normalara riayət olunmadan istismarı zamanı baş verə biləcək qəza və bədbəxt hadisəyə görə məsuliyyət daşıdıqları sözügedən MMC-nin rəhbərliyinə izah olunub.

Hər birimizin daxilində, əsasən uşaqlıq yaşlarımızda, inkişaf dövrümüzdə özünü göstərməyə başlayan yaradıcılıq qığılcımı, kreativ potensial yaşayır. Amma yaşa dolduqca da ilham alaraq yaratmağa, incəsənətə və özünüifadəyə yer axtarmağa başlayır. Bunun üçün isə artıq Bakıda xüsusi məkan var.

“Nine Senses” yaradıcılıq və özünüinkişaf üçün nəzərdə tutulmuş yeni sənət mərkəzidir. Sənət mərkəzinin məqsədi müxtəlif yaşlarda və fərqli peşələrə sahib incəsənət həvəskarları üçün rahat və harmoniya ilə iç-içə olan məkanın yaradılmasıdır. “İçindəki sənətkarı oyat” sloqanı əslində sənət mərkəzinin ab-havasını əks etdirir, çünki burada öz hisslərini üzə çıxara, daxilindəki uşağa sərbəstlik verə, özünü ifadə edə bilərsən.

Sənət mərkəzinin proqramına müxtəlif tədris kursları, əyləncəli tədbirlər, özünüifadə və özünüinkişaf fəaliyyətləri daxildir: təsviri incəsənət, meditasiya, neyroqrafika, animasiya, vokal və natiqlik sənəti, kino və musiqi. Sənət mərkəzinin fəaliyyəti çərçivəsində müntəzəm sərgilər və teatr proqramları, yerli və əcnəbi rəssamlar ilə art rezidensiyalar, uşaqlar üçün yay yaradıcılıq düşərgəsinin təşkili nəzərdə tutulub.

Burada sizi ən yaxşı müəllim, rəssam, mütəxəssis və mənəvi mentorlardan ibarət heyət gözləyir. Onların arasında bəstəkar Azad Vəliyev, rəssam Ramina Səadətxan, heykəltaraş Rəșad Ələkbərov, multimedia rəssamı Leyla Qabulova, teatr və kino rejissoru Emin Mirabdullayev, pantomima aktyoru və rejissoru Elman Rəfiyev, arxitektor Elçin Əliyev, ölkəmizin ilk 3D cizgi filminin hazırlanmasının iştirakçısı olan Rəșad Əfəndiyev, səs terapiyası və vokal yoqa mütəxəssisi İlhamə Babayeva, “DanceAbility Azərbaycan” İnklüziv Performans Şirkətinin təsisçisi Nigar Sultanova da var.

Sənət mərkəzinin yerləşdiyi binanın görkəmi də xüsusi maraq cəlb edən məqamlardandır. Binanın layihəsi spiral formada hazırlanıb, bu isə hamarlıq və açıqlığa bir işarədir. Məkanın mərkəzində davamlı olaraq günəş işığını qəbul edən atrium yerləşir, binanın daxilində isə düzbucağa rast gəlinmir.

“Nine Senses” paytaxt mərkəzindən 30 dəqiqəlik məsafədə, Xəzər dənizinin sahilində, “Sea Breeze” ərazisində yerləşən “LANDAU School” korpusunun yaxınlığında yerləşir. Məkan rahat sinif otaqları, ekspozisiya sahələri, nümayiş və çıxış meydançaları ilə təchiz edilmişdir. “Vida” vegetarian restoranında isə görüşlər təyin edə, dəniz mənzərəsinin müşayiəti ilə nahar edə, məşğələlərə fasilə edib qəlyanaltı edə bilərsiniz.

Ünvan: Bakı şəhəri, Nardaran qəsəbəsi, dalan 31, Sea Breeze kompleksi, “LANDAU School”un yaxınlığı.

Telefon: (055) 255 54 12

“Instagram”: 9senses_azerbaijan

“Facebook”: 9senses

Tikintinin yerləşdiyi torpaq üzrəndə mülkiyyət hüquq hüququnun əladə olunması asanlaşdırılır.

Globall.az xəbər verir ki, bununla bağlı "bələdiyyə torpaqlarının idarə edilməsi" haqqında qanuna dəyişiklik təklif olunur.

Belə ki, bələdiyyənin ərazisində daimi yaşayan və ən azı 5 il orada qeydiyyatda olan vətəndaş torpaq sahəsini bələdiyyədən ala və ya icarəyə götürə bilər. Bir şərtlə ki, həmin tikinti obyektinin istismara hazırlığı barədə müvafiq icra hakimiyyəti orqanının müsbət rəyi olsun.

Milli Məclisin deputatı Kamran Bayramov mövzu ilə bağlı atv-yə bildirib ki, yeni layihədə şərtlər sadədir və vətəndaşların işini xeyli asanlaşdıracaq.

Ətraflı videomaterialda izləyə bilərsiniz:

Xankəndi-Xəlfəli-Turşsu torpaq yolunda erməni hərbi avtomobilləri peyda olur və maneəsiz hərəkət edirlər. Onların təhlükəsizliyini isə Rusiya sülhməramlı kontingentinə məxsus döyüş maşını təmin edir.

Hələ bir həftə öncə Qarabağdakı erməni silahlıları təxribat törətməyə cəhd etmiş, nəticədə qanlı toqquşma olmuşdu.

Bu ərəfədə regiona gələn Qərb nümayəndələri də vəziyyətin gərginləşməsindən ehtiyat etdiklərini gizlətməyiblər.

Ermənistanın kapitulyasiya aktına imza atmasından az qala üç il keçir, amma İrəvan sülh müqaviləsi imzalamaq əvəzinə təxribatlardan əl çəkmir. Prosesə qatılan beynəlxalq vasitəçilərin də, görünür, vədləri bir səmərə vermir.

Xarici ölkə rəsmilərinin və nümayəndələrinin iştirak etdikləri X Qlobal Bakı Forumunda ölkə başçısı açıq bəyan etdi ki, Azərbaycan vasitəçi tərəflərin Ermənistanı dilə tutacağına ümid edir. Azərbaycanın Qarabağ ermənilərinə təklifi isə çoxdandır masadadır. Onların reinteqrasiyası təklif olunub.