Keniya 200-dən çox vətəndaşının Ukraynadakı müharibədə muzdlu əsgər kimi Rus ordusuna qoşulduğunu bildirib.

Keniya Xarici İşlər və Diaspora naziri Musaliya Uayklif Mudavadi açıqlamasında hökumətin saxta iş vədləri ilə Rusiyaya–Ukrayna müharibəsinə cəlb olunan şəxslərlə bağlı artan sayda məlumat aldığını deyib. 

O qeyd edib ki, hesabatlar göstərir ki, 200-dən çox keniyalı Rus ordusuna qoşulub.

Mudavadi bu şəxslər arasında Keniya təhlükəsizlik qüvvələrinin keçmiş üzvlərinin də olduğunu vurğulayıb. O əlavə edib ki, kəşfiyyat məlumatlarına görə, Rusiyanın xarici döyüşçü toplama fəaliyyəti keniyalılar da daxil olmaqla Afrika ölkələrinin vətəndaşlarını əhatə edəcək şəkildə genişlənib.

Nazir bu vəziyyəti “son dərəcə narahatedici” adlandırıb və vətəndaşları xaricdən gələn, “həddindən artıq cəlbedici görünən” iş təkliflərinə qarşı ehtiyatlı olmağa çağırıb.

Ukraynanın xarici işlər naziri Andrii Sybiha isə 7 noyabrda bildirib ki, 36 Afrika ölkəsindən 1400-dən çox şəxs Rusiyanın tərəfində Ukraynada döyüşür.

Press-fakt