Dünyanın ən zəngin adamı:
Sərvəti bir gündə 8 milyard dollar artdı
Dünyanın ən zəngin iş adamı Ceff Bezosun sərvəti bir günün ərzində 8 milyard dollar artıb.
Globaıı.az xəbər verir ki, Ceff Bezosun qurucusu olduğu "Amazon" şirkətinin səhmlərinin bazar qiyməti ötən həftənin cümə günü 1 trilyon dollara çatıb.
Qeyd edək ki, ötən ilin sentyabr-dekabr aylarında 3,3 milyard dollar mənfəət əldə etdiyini bildirən şirkətin 2 milyard dollar civarında mənfəət açıqlaması gözlənilirdi.
İnternet pərakəndə nəhəngi "Amazon"un səhmlərinin təxminən 12 faizi Ceff Bezosa, 4 faizi isə keçmiş həyat yoldaşı MacKenzie Bezosa məxsusdur.
Bezosun səhmlərinin dəyəri cümə günü 115,6 milyard dollara çatıb. "Bloomberg"in "Milyarderlər indeksi"nə görə Bezosun sərvəti 124 milyard olub.
Qeyd edək ki, Ceff Bezos və MacKenzie Bezos 2019-cu ilin yanvarında boşanmaq qərarına gəliblər. MacKenzie Bezos cütlüyün "Amazon"dakı səhmlərinin 25 faizini alıb.