Ukrayna və 8 Avropa ölkəsi İrana sanksiyalara qoşuldu
Ukrayna Avropa Birliyinin İrandakı bəzi şəxslərə və təşkilatlara qarşı tətbiq etdiyi sanksiyalara qoşulub.
Avropa Birliyinin yüksək səlahiyyətli nümayəndəsi İrandakı vəziyyəti nəzərə alaraq müəyyən şəxslərə və təşkilatlara qarşı məhdudlaşdırıcı tədbirlərin görülməsi ilə əlaqədar bəzi ölkələrin uzlaşması mövzusunda Ukrayna mediasına verdiyi açıqlamada belə deyib.
“2020-ci il aprelin 7-də Şura 2011/235 saylı qərara düzəliş edərək 2020/512 saylı qərar qəbul etdi. Şuranın qərarı, mövcud məhdudlaşdırıcı tədbirləri daha 12 ay müddətində, 2021-ci il 13 aprel tarixinə qədər yeniləyir və 2011/235 saylı Qərar Əlavəsinə uyğun olaraq məhdudlaşdırıcı tədbirlərə məruz qalacaq şəxslərin və təşkilatların siyahısına dəyişiklik edir.
Namizəd ölkələr- Şimali Makedoniya Respublikası, Monteneqro və Albaniya, sabitləşmə və birləşmə prosesi ölkəsi və potensial namizəd Bosniya və Herseqovina, habelə Avropa Azad Ticarət Assosiasiyası ölkələri, Avropa İqtisadi Məkanının üzvləri olan İslandiya, Lixtenşteyn və Norveç, habelə Ukrayna və Moldova Respublikası bu Şuranın qərarına qoşulurlar”-açıqlamada belə deyilir”.
Məlumatda həmçinin bildirilir ki, bu ölkələr öz milli siyasətlərinin Şuranın qərarına uyğun olmasını təmin edəcəklər. Avropa Birliyi bu öhdəliyi nəzərə alır və alqışlayır.