Hitlerin evi ilə bağlı

Avstriya hökuməti Adolf Hitlerin doğulduğu Braunau-am-İnndəki evi polis bölməsinə çevirmək qərarına gəlib.

Globall.az   publika.az-a istinadən xəbər verir ki, bu barədə "The New York Times" yazır.

20 milyon avroya təmir edilmiş fasaddan ibarət bina insan hüquqları üzrə təlim ofisi və polis bölməsi kimi 2026-cı ilə qədər istifadəyə veriləcək.

Bu qərar yerli sakinlər və tarixçilər arasında ziddiyyətli fikirlərə səbəb olub.

Hitlerin həyatının ilk aylarını keçirdiyi Salzburger Vorstadt 15 ünvanındakı ev uzun müddətdir mübahisə mövzusu olub.

2017-ci ildə bina hökumət tərəfindən sui-istifadənin qarşısını almaq üçün milliləşdirilib.