Bu şəxsin xalası oğlu, hansı ki, GDU-da dekan vəzifəsini daşıyan İlqar Kubışev, bu gün Gəncə şəhərində daha hansı postlara namizəddir?

Məlumdur ki, Azərbaycan Respublikasının Prezidenti İlham Əliyev cənablarının 22 dekabr 2022-ci tarixdə imzaladığı Sərəncama əsasən, Anar Qabil oğlu Kərimov mədəniyyət naziri vəzifəsindən azad olundu. Anar Kərimovun bu vəzifəyə təyin olunmasından heç iki il keçməmiş, onun işdən çıxarılması bu gün də ortaya çoxsaylı suallar çıxarır. Çünki, Azərbaycanda yüksək vəzifələrə təyin olunan məmurlar, rəhbərlik etdikləri sahələrdə özlərini təsdiq etmək, lazımi işlər görmək və s. üçün müəyyən zaman tələb edir. Amma, sabiq mədəniyyət nazirində bu heç də belə olmadı. O da hər kəsə məlumdur ki, Dövlət Təhlükəsizliyi Xidmətinin həyata keçirdiyi əməliyyatlar sabiq nazir Əbülfəs Qarayevin vəzifəsindən azad olunması ilə nəticələndi və bu yöndə həyata keçirilən əməliyyatlar, məhz Anar Kərimovun dönəmində də davam etdi. Bu əməliyyatlar nəticəsində Anar Kərimovun 1-ci müavini Elnur Əliyevdə digərləri kimi daşıdığı vəzifəsinə “əlvida” dedi. Digər vəzifə sahiblərinin həbsi isə, bu  nazirlikdə  oğurluq və yeyinti faktlarını, bir sözlə mədəniyyətsizliyi ortaya çıxartdı. Unutmaq olmaz ki, vaxtilə Elnur Əliyevin müxtəlif vəzifələrə yerləşdirdiyi kadrlardan bəziləri, bu gün də iş başındadırlar. Belə ki, Azərbaycan Respublikasının sabiq baş prokuroru Zakir Qaralovun dönəmində 1-ci müavin olmuş Rüstəm Usubovun bu günkü əlaqələri, yaxud da zamanında onun müxtəlif “post”lara yerləşdirdiyi kadrlar, hal-hazırda bu şəxsin Gəncədə baçısının nəvəsini işində saxlaya bilirlər.

Qeyd edək ki, Gəncə Dövlət filarmoniyasına direktor təyin olunan və bu təyinatına qədər heç bir halda dövlət işində çalışmayan, sadəcə olaraq Gəncə şəhərində çayxana işlədən, siqaretin topdansatışı ilə məşğul olan Rəşad Yusifov, bu gün də Gəncədəki Filarmoniyaya rəhbərlik etməkdədir. Görünür ki, Mədəniyyət Nazirliyində həyata keçirilən təmizləmə işləri, hələ ki, bu şəxsdən yan keçib. Maraqlı hal odur ki, bu nazirlikdə dünən baş verənlər, hal-hazırda nazir vəzifəsini icra edən birinci müavin Adil Kərimliyə siqnal olmadımı? Yaxşı hal o olar ki, ölkə rəhbərinin etimadını döğrultmaq üçün hər kəs öz sələfindən, yaxuda sələflərindən ibrət dərsi götürərdilər. 

Anar Kərimov müəyyən müddət ərzində nazir vəzifəsində çalışsa da, o, çox keçmədi ki, öz hərəkəti və davranışları ilə sənət adamlarının özündən narazı saldı. Belə bir səbəbdən də, bu şəxsin nazir vəzifəsini daşıması heç də uzun çəkmədi. Bəlkə də zənnimiz bizi aldatmır və məsələnin görünən tərəfi odur ki, hal-hazırda mədəniyyət naziri vəzifəsini icra edən Adil Kərimli, sələfi Anar Kərimovun yolunu davam etdirir. Az zamanda baş verənlərə, danışılanlara və ya bir az əvvələ diqqətlə nəzər saldıqda, Adil Kərimlinin Gəncəbasardakı  qohumlarının hərəkət və davranışlarından da görmək mümkün olur. 

     Məlumdur ki, bu şəxs Samux rayonundandır. Adil Kərimli ixtisasca hüquqşünas olsa da, onun Heydər Əliyev Mərkəzinə direktor müavini təyinatı, daha sonra mədəniyyət nazirinin səlahiyyətlərini icra etməsinə qədər atdığı addımları, məhz həmyerlisi Anar Ələkbərovun sayəsində baş tutduğu söylənilir. Məlum məsələdir ki, Azərbaycan reallığında kimsə kiminsə sözünü deməlidir. Kimsə kiməsə dayaqdır. Olsun. Amma, bu o demək deyil ki, vəzifə “post”una sahib olan şəxs ona xeyr-dua verən şəxsin öyüd nəsihətlərinə , məsləhətlərinə səthi yanaşmalı və dərhal təyinat alar almaz qohumbazlığa, dostbazlığa keçməlidir. Buna misal, bir müddət öncə, ötən il GDU-da maraqlı bir hadisə baş verdi. Yəni, baş verən hadisə o oldu ki, elm sahəsində heç bir fərqli nailiyyəti olmayan, adı daim qalmaqallarda hallanan, amma , eyni zamanda GDU-nun rektoru Yusif Yusifovun köməkçisi , hətta müşaviri belə vəzifəsini daşımış şəxs, birdənbirə qiyabi şöbəyə müdir təyin olunur.  Bu da onu göstərir ki, hansısa “sehrli əl” maşınqayırma texnologiyası üzrə ixtisasına sahib olan həmin şəxsi, hansısa maraqlar əsasında yuxarı başa keçirir. Onun yuxarı başa qəfildən sıçrayışı uzun zaman idi ki, sirr olaraq qalırdı.

      Bir neçə il bundan əvvələ kimi, yəni 2012-ci ilə qədər GDU-nun sabiq rektoru Elman Məmmədova  yaxın olan köməkçisi İlqar Kubışevin  elm sahəsində hansısa nailiyyətləri olmasa da, bu şəxs bəxti gətirilənlərdən hesab olunur. Sabiq Rektorun dövründə işə düzəltmək adı ilə əli olan rüşvət qalmaqallarında, Azərbaycan Müəllimlər İnstitunun Gəncə filialının bağlanması ərəfəsində saxta diplomlarla bağlı yaşanan olaylarda, bir müddət öncə isə, imtiyazlı tələbələrdən yararlanması məsələlərində adı hallanan İlqar Kubışevin, bugünkü “nastrayeniyası” əvvəlkindən də yaxşıdır. Belə ki, qiyabi şöbədə dərsə gəlməyən tələbələrin (hazırda dərsə gəlməyən və qiyabi şöbədə təhsil alan tələbələr əvvəlki illərdən daha çoxdur) sayəsində “kefi kök” olan şöbə müdiri, sən demə Samux rayonundan olan xalası oğlu, hansı ki, əvvəllər Heydər Əliyev Mərkəzində direktor müavini olan, hal-hazırda isə Mədəniyyət naziri vəzifəsini icra edən (söylənilənlərə görə nazir vəzifəsinə də sahib olacaq) Adil Kərimliyə görə imiş. Bu gün də çalışdığı sahədə “at oynadan” xala oğlu Kubışevin qəfildən deyil, artıq uzun zaman olması hamıda müəamma yaratsa da,  şəxsin hər cür hoqqalardan çıxmasına səbəb, onun xalası oğluna güvənməsi imiş. Bəli, əgər bu şəxsin xalası oğlu nazir vəzifəsini icra edirsə, və ya o Anar Ələkbərov kimi bir nüfuzlu məmurun kadrıdırsa, o halda xalaoğluya  kim “qaşın üstə qara var” deyə bilər?  Və yaxudda xalaoğlu söz sahibi birinin kadrı olarsa. Əvvəllərdə, elə hal-hazırda da bu məmurun bəxtinin gətirməsi hər kəsdə bir bir sual yaradırdı, görəsən, bu şansyoru yuxarı dartan “əl” kimə məxsusdur? Bu gün hər kəsi bir sual düşündürür ki, görəsən Adil Kərimlinin dopdoğmaca xalası oğlu olan İlqar Kubışev, bu gün Gəncədə daha hansı “post”lara artıq layiq görülüb və ya namizəddir? 

2022-ci ildə birdən-birə GDU-da rektorun köməkçisi vəzifəsindən qiyabi şöbənin müdiri vəzifəsinə, bu şəxs necə “start aldı?” 

Bir neçə il bundan öncə Gəncə Musiqi Kolleci Gəncə Humanitar Kolleci ilə birləşdi , Humanitar Kollec isə GDU-nun tərkibinə verildi.  Elə bu zaman İlqar Kubışev dərhal GDU-dan Gəncə Musiqi Kollecinə “transfer” olundu. Ali təhsilini Azərbaycan Politexnik İnstitutunda (indiki Azərbaycan Texniki Universitetində) maşınqayırma texnologiyası ixtisası üzrə başa vuran bu şəxsin, yəni musiqi təhsili olmadan birinin  orada nə işi var idi? Görünən odur ki, Elman Məmmədovun istefasından sonra, daşıdığı vəzifəsindən  uzaqlaşdırılan, bu günkü rektor Yusif Yusifovun zamanında isə yenidən iş başına qayıdan, rektorun neçə oldu ki, etimadını qazandı.Musiqiçi deyil, maşınqayırma texnologiyası üzrə ixtisasa sahib olan bu şəxs, sən demə hər zaman xalası oğlu Adil Kərimlidən “ilham” alırmış. Sual olunur , yenədəmi ölkə rəhbərinin tövsiyələrinə diqqət yetirilmədi?! Ötən günlərdə Adil Kərimli xalaoğlu İlqar Kubışevi GDU-da şöbəyə müdir təyin etdirməklə heç də kifayətlənməyib. Etibarlı mənbədən əldə etdiyimiz məlumatlara görə Adil Kərimli xalası oğlu İlqar Kubışevi, Gəncə Regional Mədəniyyət İdarəsinə rəis təyin etmək istəsə də bu təyinat xalaoğlunun sinəsinə yatmayıb.( elə düz də edib, orada onun nə işi var,  onun musiqi sahəsində bildiyi olsa-olsa 7 not olar)  İlqar Kubışevin bir müddətdir ki, istəyi isə birinci ilk pillədə Gəncə Regional Humanitar Kollecində müdir olmaq, daha sonrakı pillə isə GDU-dır. Rus demiş, “meçtat ne vredno,”tərcüməsi arzulamağa nə verirlər, ya da  sən saydığını say kimi başa düşək. Belədə ki, bilmək olmaz, bu gün lapdan qiyabidə kallanıbsa o da olar.  GDU-da rektor olmaq arzusu isə bir çoxları kimi İlqar Kubışevin də uzun zamandan bəri kabus yuxularına çevrilibmiş. Bugünkü gedişat isə onu göstərir ki, son vaxtlar bəzi şəxslər yüksək postlara təyinat alan kimi, ölkə başçısının etimadını doğrultmaq haqqında verdikləri vədə xilaf çıxıb qohumlarının, yaxınlarının güdazına gedirlər. Bu da onların daşıdıqları vəzifələrində qısa müddətli olmalarına səbəb olur. Çox vaxt kadrlar qabiliyyətlərinə görə deyil, kimlərinsə dəstəyi ilə vəzifələrə sahiblənirlər. Sonuc isə DTX-nın işə qarışması ilə nəticələnir.

P.S. Hələ bunlar harasıdır? Gəncə Regional Mədəniyyət İdarəsinin sabiq rəisi Vasif Cənnətovun, Prezident İlham Əliyevin də açılışında iştirak etdiyi Fikrət Əmirov adına Gəncə Dövlət Filarmoniyasına direktor təyin etdiyi qohumu, hansı ki, şəhərdə hər kəsin sahibkar adı ilə tanıdığı Rəşad Yusifov, həmçinin 4 № li Musiqi məktəbində anası İntizar Qafarovanın yerinə direktor işləyən qızı bu gün də iş başındadır. Belə getsə bu təyinatlara münasibət bildirilmədiyindən,  yəqin ki, Gəncəbasarda daha yeni “Kubışevlər”in “təyinatlar”ına da start veriləcək. 

Mehriban ƏZİZQIZI