Sankt-Peterburq sakinlərini döyən "treş bloqçuları" dəstəsinin başçısı Tural Məmmədov saxlanılıb Azərbaycanda saxlanılıb.

Globall.az  gundem.az-a istinadən xəbər verir ki, bu barədə "Kommersant"a Sankt-Peterburqdakı Azərbaycan diasporunun sədri Vaqif Məmişev bildirib .

Dəstə sosial şəbəkələrdə Şimal paytaxtının sakinlərinə necə hücum etdiklərini əks etdirən videolar sayəsində tanınıb. Faktla bağlı cinayət işi açılıb, qrup üzvləri saxlanılıb, lakin Məmmədov yoxa çıxıb və beynəlxalq axtarışa verilib.

Hazırda saxlanılan şəxs Rusiyaya ekstradisiyasını gözləyir . Azərbaycan diasporunun mətbuat katibi Rəşadə Orucovanın verdiyi məlumata görə, Rusiya tərəfi konvensiyaya uyğun olaraq bu barədə sorğu göndərib.

O əlavə edib ki, Məmmədov diaspor həyatında iştirak etməyib, lakin onun rəhbəri Məmişev bloqqerin ailəsi ilə əlaqə saxlayıb. Məmişev onun hərəkətini sərt şəkildə pisləyib, valideynləri isə bütün Sankt-Peterburq sakinlərindən üzr istəyib.

Ümumilikdə, milli ədavət və düşmənçilik zəminində törədilən xuliqanlıq işi üzrə artıq özlərini "Azərbaycan mafiyası" adlandıran 11 nəfər saxlanılıb. Bir gün əvvəl İstintaq Komitəsinin rayon şöbəsi dəstənin 12-ci üzvünün saxlanması barədə məlumat yayıb. İstintaq Komitəsinin və FSB-nin xüsusi təyinatlılarının əməkdaşları 18 yaşlı gənci malikanəsində saxlayıb və dindirməyə aparıblar.

İstintaqın məlumatına görə, 2023-cü ildə bir qrup gənc Sankt-Peterburq sakinləri ilə dava salaraq onları döyüb. İstintaq Komitəsinin rəhbəri Aleksandr Bastrıkin Azərbaycandan gələn mühacirlər tərəfindən yoldan keçənlərin döyülməsini əks etdirən videoların yoxlanılması barədə göstəriş verdikdən sonra istintaq başlayıb