Sankt-Peterburqda erməni iş adamı qətlə yetirilib
Rusiyanın Sankt-Peterburq şəhərində erməni biznesmenin meyiti tapılıb.
Biznesmenin öldürülməsi yol qəzası nəticəsində məlum olub. Noyabrın 20-də şəhərin Leninqrad vilayətində içində meyit olan “Mitsubişi Qalant” markalı avtomobil yolda maneəyə çırpılıb.
Hadisə yerindən qaçmaq istəyən sürücü və iki sərnişin polis tərəfindən saxlanılıb. Avtomobilin yük yerindən düşən meyitin isə 50 yaşlı İrəvan sakini, iş adamı Arkadi Kazinyan olduğu müəyyən edilib.
Məlum olub ki, erməni iş adamı Sankt-Peterburqun Kalinin rayonunda “Laquna” kooperativinin qarajında öldürülüb. Avtomobildə olan şəxslər isə meyiti meşədə basdırmaq üçün aparırlarmış. Avtomobilin yük yerində iki ədəd bel aşkar edilərək götürülüb.
Hazırda saxlanılan şəxslər müstəntiqlər tərəfindən dindirilir.
Erməni iş adamının 1996-cı ildən Sankt-Peterburqda yaşadığı bildirilir./axar.az