Kompüterimizin yaddaşında Rusiya MN-in sözügedən xəritənin ilkin variantını saxlanılıb. Müvafiq qurumlar ekspertizadan keçirərək həqiqiliyinə əmin ola bilər...
Xəbər verdiyimiz kimi, dekabrın 24-də axşam saatlarından son bir ildən çox müddətdə ilk dəfə olaraq Rusiyanın rəsmən sülhməramlı sayılan qüvvələrinin xəritəsində 10 noyabr bəyanatında razılaşdırılımış ərazidən tamamilə kənarda Azərbaycanın Kəlbəcər rayonu və Ermənistanın Basarkeçər (Vardenis) ərazisində yeni patrul xidmətinin marşrutu qeyd olunub.


   
Xəritədən  məlum olurdu ki, Rusiya hərbçilərinin partul xidməti təxminən Kəlbəcər rayonunun Susuzluq kəndi(orada 4 iyunda 2 jurnalist və 1 məmurumuz minaya düşərək həlak olublar) ərazisindən başlanırdı.
Hinaldağ (3367) istiqamətində Təkəqaya kəndi yaxınlığından keçən marşrut sonra yenidən cənub-qərb istiqamətinə yönəlir və təxminən Aşağı Ayrum kəndi yaxınlığından Ermənistanın Basarkeçər ərazisinə - Zərgərkəndə qədər keçirdi. Həmin ərazidən xeyli şimaılda Vardenis şəhəri yaxınlığında yeni bir patrul məntəqəsi də qeyd olunmuşdu...
 
Saat 11:20-də bu barədə məlumat sayta qoyuldu. Az öncə Müdafiə Nazirliyi mətbuat xidmətindən məlumat verildi ki, sözügedən xəritədə Kəlbəcər rayonu ərazisində Rusiya hərbçilərinin qeyd edilən marşrut xətti yoxdur.
Beləliklə, məlum oldu ki, Rusiya Müdafiə Nazirliyi əməkdaşları yanlışlıqlarını anlayaraq mediada yayılan məlumatdan sonra bəhs edilən marşrut xəttini xəritədən siliblər... 
 
P.S. Kompüterimizin yaddaşında Rusiya MN-in sözügedən xəritənin ilkin variantını saxlanılıb. Müvafiq qurumlar ekspertizadan keçirərək həqiqiliyinə əmin ola bilər...