Hindistan yaxın bir neçə həftə ərzində Cənubi Asiya ölkələrinə milyonlarla doza COVID-19 peyvəndi verəcək. Qonşu ölkələr bu addımı təqdir etməklə Çinin bölgədəki hakim varlığına qarşı çıxdıqlarını deyir.

Dünyanın ən böyük peyvənd istehsalçısı olan Hindistan Serum İnstitutu tərəfindən istehsal olunan “AstraZeneca” peyvəndinin pulsuz tədarükü Maldiv, Butan, Banqladeş və Nepala yola salınıb. Hindistan Nepala “AstraZeneca”nın bir milyon doza “Covishield” peyvəndini göndərib və bu, qonşular arasındakı gərgin əlaqələrin yenidən qurulmasına kömək edəcək bir hədiyyə kimi dəyərləndirilir.

Qətərin Əl-Cəzirə (Al Jazeer) telekanalı xəbər verir ki, Nepal Səhiyyə naziri Hridayeş Tripathi peyvəndin tibb işçilərinə və bu sahədə çalışan digər işçilərə bir həftə və ya 10 gün ərzində tətbiq ediləcəyini söyləyib. O, Nepalın daha dörd milyon doza almaq arzusunda olduğunu bildirib və Hindistan hökumətindən bu məsələdə kömək istəyib.

Hindistanın bu jesti, Nepalla əlaqələrinin ərazi mübahisəsi və Hindistanın Asiyanın nəhəngləri arasında sıxışan bu Himalay ölkəsində Çinin siyasi və iqtisadi nüfuzunun genişləndirilməsi ilə bağlı narahatlıqlarının kəskinləşdiyi bir vaxta təsadüf edir. Pandemiya ilə mübarizə aparmaq üçün Nepala yardım vəd edən Çin, “Sinofarm” enjeksiyonları üçün Nepaldan icazə gözləyir. Nepal Narkotik İdarəetmə Departamentinin sözçüsü KS Santoş deyib ki, onlara icazə vermədən əvvəl əlavə sənədlər və məlumatlar təqdim etmələrini xahiş edilib.

Banqladeş, Çinin “Sinovac Biotech” firmasından pulsuz olaraq 110.000 doza peyvənd almalı idi, lakin rəsmi Dakka peyvəndi inkişaf etdirmək maliyyətinə töhfə verməkdən imtina edib və böhrana gətirib çıxarıb. Bunun əvəzinə, Banqladeş təcili təchizat üçün Hindistana üz tutub və ötən gün hədiyyə olaraq iki milyon doz peyvənd alıb və hökumət gələn həftə 168 milyon insanı peyvəndləməyə başlamağı planlaşdırır.

Səhiyyə naziri Zahid Maleke Banqladeşin əlavə 30 milyon doza peyvənd satın aldığını və aylıq beş milyon doza göndərilməsini gözlədiyini söyləyib. Yoxsul ölkə olan Banqladeşdə bu günə kimi koronavirusdan 8000 insan dünyasını dəyişib, baxmayaraq ki, yalnız 600 reanimasiya yatağının olduğu ölkədə bu gözlənilən qədər ağır olmayıb.
Hindistan Çinin “Bir kəmər, bir yol” layihəsinin bir hissəsi olaraq limanlar, yollar və elektrik stansiyaları inşa etdiyi Şri Lanka, Nepal və Maldiv adaları kimi ölkələrdəki Çin investisiyaları ilə ayaqlaşmaq üçün illərdir mübarizə aparıb. 

Siyasətçilər bildirir ki, turizmdən asılı iqtisadiyyatlarını canlandırmağa can atan bu ölkələrdə peyvəndə olan tələb, Hindistan hökuməti tərəfindən geriyə qayıtmaq üçün şans olub. Hindistan yaxın üç-dörd həftə ərzində ilk yardım dalğasında qonşularına 12 milyondan 20 milyona qədər peyvand göndərməyi düşünür. Hindistan bu ölkələrin bəzilərində səhiyyə işçilərinin yetişdirilməsinə və peyvəndlər üçün infrastrukturun qurulmasına kömək etməyi də planlayır.