Rusiyalı tanınmış jurnalist Vladimir Poznerin Tiflisdə həm də yüksək məbləğdə cərimə ödədiyi üzə çıxıb.
Bu barədə məlumatı Gürcüstan DİN yayıb.
Nazirlik Poznerin komendant saatını pozmasına görə cərimələnmədiyi barədə mediada yayılan məlumatı təkzib edib və bildirib ki, Pozner buna görə 600 dollara yaxın (2 min lari) cərimə ödəyib.
Gürcüstan DİN Poznerin ödədiyi cərimənin qəbzini də mediaya təqdim edib.
Qeyd edək ki, V.Poznerin Tiflisə gəlişi gərginliklə müşayiət olunub. Gürcüstanlılar Poznerin gəlişinə etiraz olaraq onun qaldığı oteli mühasirəyə alıblar və otelə yumurta atıblar. Nəhayət, xüsusi mühafizənin yardımı ilə Pozner oteldən ayrılıb və səfərini yarımçıq qoyaraq, təcili Tiflisdən gedib.
Poznerin səfərinə etirazın səbəbi isə rusiyalı jurnalistin Gürcüstanın ərazi bütövlüyünü tanımaması, Abxaziyanın bir daha Gürcüstanın tərkibinə qayıtmayacağı barədə açıqlamasıdır.