Ermənistanda seçki təşviqatı rəsmən başladı -
23 partiya, 4 blok… /SİYAHI
Ermənistanda 20 iyunda keçiriləcək erkən parlament seçkilərinin təşviqat kampaniyası rəsmən başlayıb.
Kampaniya iyunun 18-dək davam edəcək, bundan sonra “sükut günü” olacaq. Səsvermə iyunun 20-də keçiriləcək.
Ermənistan mediası xəbər verir ki, seçkilərdə iştirak etmək üçün rekord sayda təşkilat – 23 partiya və 4 blok qeydiyyatdan keçib.
Siyahını bülletenlərdəki nömrəyə görə təqdim edirik.
Ekspertlər “Vətəndaş müqaviləsi” Partiyası (lideri – Nikol Paşinyan), “Hayastan” bloku (Robert Köçəryan), “Mənim şərəfim var” bloku (Serj Sarkisyanın dəstəyi ilə Artur Vanetsyan), “Çiçəklənən Ermənistan” Partiyasının (Gagik Tsarukyan) seçkilərdəki imkanlarını daha geniş qiymətləndirirlər.
Həmçinin, “Maariflənmiş Ermənistan” (Edmon Marukyan) və “Erməni Milli Konqresi”nin (Levon Ter-Petrosyan) də parlamentdə yer ala biləcəyi qeyd edilir.
Ermənistanda ümumi seçicilərin sayı 2 milyon 581 min 93 nəfərdir./modern.az