2021-ci ilin Formula-1 üzrə Avstraliya Qran-prisi koronavirus pandemiyası səbəbi ilə ləğv ediləcək.
Bu barədə “Agence France-Presse” məlumat yayıb.
Məlumatda qeyd olunur ki, Formula-1 iştirakçıları Avstraliya hökumətinin ölkəyə səfər edən şəxslərin 14 günlük məcburi karantin tələbi ilə qarşılaşıblar.
Həmçinin oktyabr ayında keçirilməsi nəzərdə tutulan Dairəvi-Şose Motoyarışı üzrə Dünya Çempionatının Avstraliya mərhələsi də ləğv ediləcək.
Xatırladaq ki, Formula 1 üzrə Avstraliya Qran-Prisi 19-21 Noyabr tarixlərində keçirilməli idi.