Paşinyan dedi və geri addım atdı:
”erməni xalqına baha başa gələ bilər”
“Hökumətyönlü deputatlara Ermənistan-Rusiya münasibətlərinin daxili mətbəxinə toxunmaqdan və Rusiyaya qarşı bəyanatlardan çəkinmək tapşırılıb, çünki bu, dövlətə və erməni xalqına baha başa gələ bilər”.
Bu barədə erməni nəşri “Hraparak” yazıb.
Nəşr Paşinyanın KTMT ilə bağlı hökumətin son iclasında səsləndirdiyi fikirlərin Rusiyanı qəzəbləndirdiyini bildirib. Mənbə məlum iclasdan sonra Rusiyanın nümayiş etdirdiyi sükutun Ermənistana baha başa gələcə biləcəyini qeyd edib.
“Paşinyanın Rusiyanı qəzəbləndirən açıqlaması belə idi: “Əgər KTMT çərçivəsində monitorinq qrupunun Ermənistan-Azərbaycan sərhədində yerləşdirilməsi mümkünsüzdürsə, ATƏT-in Minsk qrupunun həmsədrliyi də daxil olmaqla digər beynəlxalq səviyyədə tanınmış formatlar bizim üçün məqbul ola bilər”.