Yaponiyada “lambda” ştamının yayılma mənbəyi ilə bağlı araşdırma aparılıb
Yaponiyada koronavirusun “lambda” ştamının yayılma mənbəyi ilə bağlı araşdırmalar aparılıb.
Bu barədə ölkənin “Kyodo” agentliyi məlumat yayıb.
Araşdırmalar nəticəsində məlum olub ki, Tokio-2020 Olimpiya Oyunları zamanı Yaponiyaya səfər edən 30 yaşlı qadın bu ştamın daşıyıcısı olub.
İyulun 20-də koronavirus testinin nəticəsi pozitiv çıxan qadının daha əvvəl Peruda səyahətdə olduğu və “lambda” ştamına yoluxduğu bildirilib. Yaponiyanın Milli Epidemiologiya İnstitutu bunun ölkədə “lambda” ştamının ilk qeydə alınması faktı olduğunu təsdiqləyib.
Qeyd edək ki, ilk dəfə Peruda aşkarlanan “lambda” ştamı ÜST tərəfindən koronavirusun variantlarından biri kimi kateqorizasiya edilib.
Oxunub: 409
Xəbəri paylaş
Paylaş: