İrəvan növbəti hərbi toplanış elan etdi -
Sentyabrın 15-dən dekabrın 15-nə kimi...
Ermənistan hökumətinin qərarı ilə sentyabrın 15-dən dekabrın 15-nə kimi ehtiyatda olanların növbəti hərbi toplanışı keçiriləcək.
Yerli KİV xəbər verir ki, toplanışda ehtiyatda olan sıravi hərbi qulluqçular, gizir və zabitlər iştirak edəcək.
Ehtiyac yaranacağı təqdirdə toplanışda iştirak edənlərin döyüş növbətçiliyinə cəlb olunacaqları bildirilib.
Hərbi toplanış ehtiyatda olanların yenidən hazırlanması və bacarıqlarının artırılması məqsədi ilə həyata keçirilir. Toplanış müddətində iştirakçılar əsgər hesab olunacaq və hərbi qulluqçuların bütün təminatlarından yararlana biləcəklər.
Qeyd edək ki, hazırda Ermənistanda analoji toplanış avqustun 25-də başlayıb və noyabrın 25-nə kimi davam edəcək.
Oxunub: 303
Xəbəri paylaş
Paylaş: