Türkiyə prezidenti Rəcəb Tayyib Ərdoğan Fransanın sement şirkəti “Lafarge”ın İŞİD terrorçularına maddi dəstək göstərməsinə ilk dəfə münasibət bildirib. 

Ərdoğan avropalı liderləri bu məsələlərlə bağlı dəfələrlə xəbərdar etdiyini deyib:

“Makronun özünə də, görüşdüyüm avropalı liderlərə də illərdir deyirəm. Amma həmişə özlərini karlığa qoyurdular”. 

Ərdoğan bu məsələni BMT toplantısında gündəmə gətirəcəyini bildirib. 

Qeyd edək ki, Fransanın kəşfiyyat xidməti “Lafarge”ın İŞİD terrorçularına maddi dəstək göstərdiyini təsdiqləyib.