Qondarma rejimin medal verdiyi Kosobokov kimdir?-
General haqqında bilinməyənlər
Azərbaycan Prezidenti, Ermənistan baş naziri və Rusiya Prezidentinin noyabrın 9-da imzaladıqları üçtərəfli bəyanata əsasən Dağlıq Qarabağda yerləşdirilən Rusiya Federasiyası sülhməramlı kontingentinə general-mayor Mixail Kosobokovun komandan təyin olunmasına dair xəbərlər ölkəmizdə həssaslıqla izlənilir.
Necə olur ki, sülhməramlıların bir gecədə 2397 kilometr məsafə qət edərək “perebroska”sı həyata keçirilir, ancaq Qarabağdan erməni silahlıları çıxarılmır?!
Öncə onu qeyd edək ki, yeni komandanla bağlı açıq mənbələrdə məlumat olduqca azdır. Əgər Rüstəm Muradovla bağlı virtual ensiklopediya – “Vikipediya”da səhifə mövcudursa, M.Kosobokovla bağlı bunu demək mümkün deyil.
M.Kosobokov sülhməramlı kontingentin komandanı kimi ilk görüşünü Ermənistanın müdafiə naziri Arşak Karapetyanla keçirir. İrəvan, 9 sentyabr 2021-ci il
Müxtəlif dövrlərdə 7-ci bazanın komandiri olmuş şəxslər. Soldan sağa: generallar V.Qubkin, A.Dorofeyev, M.Kosobokov və polkovnik A.Yeqorov. Qudauta, Abxaziya, 2018-ci il
M.Kosobokov 2017-ci ilədək bu bazaya komandirlik edib.
O, general-mayor ali hərbi rütbəsini burada işlədiyi dövrdə – 20 fevral 2016-cı ildə alıb. Ona Rusiya Federasiyası Prezidentinin 73 saylı fərmanı ilə bu rütbə verilib.
Mixail Kosobokov Krımda 9 may - Faşizm üzərində Qələbə günü münasibətilə paradın əsas məşqi zamanı. 7 may 2017-ci il, Sevastopol