Bakının kirayə bazarında tələbələrin istəyinə cabab verəcək mənzillər yox səviyyəsindədir.
Bunu daşınmaz əmlak bazarı üzrə ekspert Nüsrət İbrahimli deyib.

Onun sözlərinə görə, tələbələrin Bakıya axışmasına görə, hazırda kirayə bazarında aktivlik 3 dəfə artıb.
Bölgələrdən gələn tələbələr daha çox Bakının mərkəzində, təhsil müəssisələrinə yaxın və qiyməti 500 manatədək olan mənzillər axtarırlar. Bazarda isə bu cür mənzillər demək olar ki, yoxdur. Təklif olunan evlərin qiyməti 500 manatdan yüsəkdir.

Nüsrət İbrahimli deyir ki, mənzil təklifinin tələbə nisbətən çox az olması bahalaşma gözləntisini real edir: 
“Tələb olunan mənzil seqmentində bahalaşma gözlənilir. Amma nə qədər bahalaşmanın olacağı sentyabr ayı bitəndən sonra bilinəcək”.