Globall.az "İnterfax"a istinadən xəbər verir ki, bu barədə Ermənistanın Təhlükəsizlik Şurasının katibi Armen Qriqoryan məlumat verib:
"Azərbaycanın Rusiya sülhməramlılarının iştirakından imtina etməsi mövzusu gündəmimizdədir. Belə bir ssennaridə addımlarımızı necə müqayisə edəcəyimizi başa düşmək üçün bu mövzunu rus ortaqlarımızla müzakirə edirik".

O qeyd edib ki, Ermənistan tərəfi Rusiyanın Qarabağda daha çox qalacağına inanır. Qriqoryan həmçinin qeyd edib ki, sülməramlıların Qarabağda 9 Noyabr müqaviləsində nəzərdə tutulduğu kimi 5 il müddətinə deyil, daha uzunmüddətli qalmaları üçün əllərindən gələn hər şeyi edəcəklər:
"Azərbaycan müddətin uzadılmasına razılıq verməsə, qüvvələrimizi birləşdirməyə və problemin həllini tapmağa çalışacağıq. Amma Qarabağda baş verənlər, yəni infrastrukturun yaradılması bizə onu deyir ki, Rusiyanın orada daha çox qalmaq planları var".