"Hakim müttəhim Mövlam Şıxəliyevə "müəllim" deyir"-
Zərərçəkənlərdən ETİRAZ
İttihama görə, Mövlam Şixəliyev mütəşəkkil cinayətkar dəstə halında 14 milyon 292 min manat, 5 milyon 77 min manat məbləğində isə özgə əmlakını hədə-qorxu ilə ələ keçirib.
Elbəy Allahverdiyevin dilindən “müəllim” sözü düşmür və bu yanaşması bəri başdan onun iş üzrə mövqeyini müəyyən edir:
“Mövlam Şıxəliyevin vəkili vəsatət verdi, onun dəmir qəfəsdən çıxarılıb zalda əyləşməsinə şərait yaradılmasını istədi. Vəkil vəsatəti tam yekunlaşdırmamış Elbəy Allahverdiyev tez-tələsik müzakirəyə çıxardı. “General adamdır, xidmətləri olub” sözlərini pıçıldayırmış kimi Mövlam Şıxəliyevə eşitdirməklə sağına-soluna əyildi.
Həmin qərarda da yazılır:
- Cinayət işi üzrə vurulmuş ziyanın Azərbaycan Respublikası Cinayət Prosessual Məcəlləsinin 38.3-cü maddəsinin tələblərinə müvafiq qaydada ödətdirilməsi, mümkün mülki iddiaların təmin olunması və digər əhəmiyyətli halların müəyyən edilməsi üçün Mövlam Şıxəliyevin və ailə üzvlərin bank hesablarına dair sənədlər götürülür.
Sual olunur: bu adamları məhkəmə qarşısına niyə çıxarıblar? Bizlərdən can qurtarmaları üçün? Bizlərin şikayətlərinin ala-yarımçıq araşdırılması görüntüsü yaratmaq üçün?
Daha bu məzhəkəyə nə ehtiyac vardı?
Bunun özü də qanunsuzluqdur. Mövlam Şıxəliyev və onun mütəşəkkil cinayətkar quldur dəstəsi üzərində qanuni, ədalətli məhkəmə qurulmalıdır və bu məhkəmədə baş verənlərin Azərbaycanda geniş ictimaiyyətə çatdırılması təmin edilməlidir.