"Exo Moskvı" nəşrinin müəlliflərindən olan siyasətçi Leonid Qozman Rusiyanın Ukrayna böhranı ilə bağlı NATO-ya göndərdiyi ultimatumla bağlı maraqlı şərh yazıb.
 
Həmin şərhi diqqətinizə çatdırırıq:
 
“1. Bu sadəcə olaraq ultimatum deyil. Bu, tam və qeyd-şərtsiz kapitulyasiya tələbidir.
 
2. Rusiyanın belə bir ultimatum vermək üçün nə siyasi, nə iqtisadi, nə də hərbi resursları var. Planetin məhv edilməsi ehtimalından başqa heç nə - belə ki, RF Silahlı Qüvvələrinin Ali Baş Komandanı Vladimir Putinin təbirincə desək, “onlar gəbərdilər, biz isə cənnətdə olduq”.
 
3. Ultimatum müəllifləri onlara nə qədər qeyri-ciddi yanaşdıqlarını başa düşürlər. Belə bir mühüm sənədi Xarici İşlər Nazirliyinin rəsmi nümayəndəsi Mariya Zaxarova səsləndirməyib - onun sözlərinə Jirinovskinin qalmaqallı təxribatları kimi yanaşılır, hətta  nüfuzdan düşmüş nazir müavinindən çox, Lavrovun təbliğatçılarından birinə çevrilən kimi.  Bu, mətnə ciddi yanaşmağa çağırışdır.
 
4. NATO ölkələrindən həm öz Nizamnaməsini, həm də beynəlxalq müqavilələrdə təsbit olunmuş öhdəliklərini pozmaq tələb olunur.
 
5. Rusiya öz tərəfindən heç bir addım təklif etmir - Qərb etiraf etməlidir ki, biz həmişə hər şeydə haqlı olmuşuq və haqlı olaraq qalırıq və məğlubiyyəti də etiraf etməlidir.
 
6. Müharibədən əvvəlki bütün bu isteriyanın hətta “casus belly”(müharibə üçün formal bəhanə-tərcümə)yə heç bir oxşarlığı yoxdur - heç kim ertshersoqu öldürməyib ( Birinci Dünya müharibəsinin başlanmsında ertshersoq Frans Ferdinandın öldürülməsi bəhanəsi nəzərdə tutulur-tərcümə) və Qərbdən heç kim bizi təhdid etmir. Bizə heç bir ərazi iddiası yoxdur, kənardan heç kim daxilimizdə baş verənlərə müdaxilə etməyə çalışmır. Bütün bunlar boş yerdədir!
 
7. NATO təhlükəsi ilə bağlı söhbətlər bir faktla da təsdiqlənmir. Keçmiş Baltikyanı respublikalar NATO-ya üzv olublar - bu sərhədlərdə hər şey sakitdir.
 
8. Rusiya üçün xarici təhlükələr təbii ki, mövcuddur - Əfqanıstan, İran, bəlkə də Çin. Amma Rusiya rəhbərliyi onları dəf etməyə hazırlaşmaq əvəzinə, bizim müttəfiqimiz ola biləcəkləri də müharibə ilə hədələyir.
 
9. Rusiya rəhbərliyi başqa heç kimlə deyil, yalnız ABŞ-la danışmaq istəyir. Görünür, onlar öz nağıllarına inanırlar ki, Avropa bir qrup ABŞ vassallarından başqa bir şey deyil.
 
10. Ultimatumda deyilmir ki, o rədd edilsə nə olacaq? Qoşunlarımız Kiyevə, Vilnüsə, Varşavaya gedəcək? Vaşinqtonu bombalayacağıq? Yoxsa, hər halda Voronej?
 
11. Yəqin ki, Rusiya rəhbərliyində anlayanlar var ki, bu ultimatumu qəbul oluna bilməz. Bu o deməkdir ki, onların nüvə müharibəsindən tutmuş ölkənin tamamilə bağlanmasına və böyük hərbi (konsentrasiya) düşərgəsinə çevrilməsinə qədər bir növ planı var. Yalnız bir şey aydın deyil ki, onlar Rusiya Federasiyasının yüksək rütbəli məmurlarının Qərbdəki mülkləri və ailələri məsələsini necə həll edəcəklər.
 
12. Qərbin bu ultimatumu qəbul etməkdən imtina etməsindən sonra xarici siyasətdə vəziyyət necə inkişaf etməsindən asılı olmayaraq, ölkə daxilində repressiyalar güclənəcək - həm rejimin əleyhdarlarına, o cümlədən xaricdə olanlara, hakimiyyəin fəaliyyətindən məmnun olmayanlara, həm də Rusiya vətəndaşlarının geniş dairəsinə qarşı repressiyalar güclənəcək. 
 
13. Və əsas nəticə - onlar dəli olublar!”.