Globall.az Moderator.az-a istinadən Ukrayna Daxili İşlər Nazirinin sabiq müavini Anton Qeraşşenkonun Putin haqqında maraqlı məqaləsinin tərcüməsini təqdim edir:
 
Tsuqtsvanq və ya Putin üçün altı ssenari variantı
 
Putin özünü tsuqtsvanqa salıb. Bu, şahmatda elə bir vəziyyətdir ki, istənilən nöbəti gediş oyunçunun vəziyyətini daha da pisləşdirir.
 
Putin üç günə Kiyevi mühasirəyə almağı, onu hücumla və ya taqətdən salaraq ələ keçirməyi, hakimiyyəti biabırçı təslimə vadar etməyi düşünürdü. Amma bütün istiqamətlərdə iflasa uğradı.
 
Prezident Vladimir Zelenski dizləri əsə-əsə təslim olmalı idi. Ukrayna ordusu briqadalar, taborlar üzrə ağ bayraq qalıdıraraq, silahı yerə qoymalı idi.
 
Qərb qorxudan əsərək, qışın ortasında qazın kəsilməsindən ehtiyat edərək, sakit dayanıb, hərdənbir zingildəməli idi.
 
Ukrayna xalqı qorxu və itaətkarcasına sakitcə yeni ağaları qarşısında başını aşağı salmalı idi.
 
Amma tam əksinə alındı!
 
Xaincəsinə törədilən müharibənin yeddinci günündə Kiyevi mühasirəyə almaq vəzifəsi heç 30 faiz də icra edilməyib. Strateji təşəbbüs və gözlənilməzlik amilləri tamamilə itirilib.
 
Prezident Zelenski idarəetməni itirmək əvəzinə, hakimiyyəti əllərində möhkəm saxlayaraq, bir həftə ərzində Avropa İttifaqına daxil olmağa nail olub. Biz anlayırıq ki, Avropa parlamentində dünənki 98 faizlik səsvermədən sonra məsələnin yalnız formal təfəfləri qalır.
 
Ukrayna qəhrəmanları alqış sədaları altında bütün dünyaya misli görünməyən dözüm və şəxsi qəhrəmanlıq göstərərək, kəmiyyətlə deyil, bacarıqla döyüşür, hələ ki, canlı qüvvədə, texnikada və havada üstünlüyə malik olan düşməni sındırmaqdadır.
 
Qərb heç vaxt olmadığı kimi yekdildir
 
Qərb bir həftə ərzində Rusiya Federasiyası ilə Krım ələ keçiriləndən sonra səkkiz il ərzində nümayiş etdirdyi biabırçı əməkdaşlıqdan sonra özünü tam reabilitasiya edilib, misli görünməyən sanksiyalar tətbiq edib, bunu hətta İrana və Şimali Koreyaya qarşı etməyə qərar verməyib.
 
Ruslar heç bir yerə uça bilmir, he kimlə ticarət edə bilmir, idmanda kimsə ilə yarışa bilmir.
 
Ukrayna xalqı barədə qısa deyəcəyəm- Ukrayna xalqına qalib gəlmək mümkün deyil
 
Sonra nə baş verəcək?
 
Bəli, Putinin hələ yüz minlərlə, ola bilsin, milyonlarla ton sursatı, bomba və raketləri var. Üstəgəl 5000 nüvə başlığı var.
 
Bəli, o, bizə hələ yüzlərlə "Kalibr" və "İsgəndər"lərlə zərbələr endirə bilər, bizi rabitəsiz, susuz, işıqsız  qoya bilər, on minlərlə ukraynalıları həyatdan məhrum edə bilər.
 
Amma bu, ona nə verəcək? Heç nə!
 
Ukrayna təslim olmayacaq! O, artıq işğalçılar üçün alovlanan Əfqanıstana çevrilib.
Təkcə Əfqanıstanda SSRİ 10 il ərzində 13 500 əsgər itirib. Putin Ukraynada natamam bir həftə ərzində 6000 əsgərini itirib.
 
Əsl xalq, partizan müharibəsi gedir!
 
Lukaşenko Putinin Ukraynada tam iflasını görərək, isterikaya düşüb və Volınsk, Jitomir, Rovinsk vilayətlərinə hücum etmək öhdəliklərindən "vaz keçməyə" cəhd edir.
 
Qərb Ukraynanın Krım və Donbas daxil olmaqla ərazi bütövlüyü tam bərpa edilməyincə sanksiyaları götürməyəcək.
 
Putinin sonrakı addımlarınl proqnozlaşdırmağa cəhd edim.
 
Bunu etmək çətindir, çünki söhbət əllərində nüvə düyməsi olan və bütün mümkün "qırmızı xətləri" keçən özünəvurğun psixopatdan gedir. Buna baxmayaraq, mən Putin üçün aşağıdakı ssenariləri görürəm:
 
1. Kiyevin mühasirəsini və Ukraynanın cənub-şərqi və mərkəzi boyu hücumu davam etdirmək. Bombardmanları və raket zərbələrini davam etdirmək. Bu zaman müvəqqəti işğal edilmiş ərazilərdə əhalini dəhşətli aclıq və mərhumiyyətlər gözləyəcək.
 
Ukrayna xalqının reaksiyası aydındır- işğalçıların total şəkildə həm gündüz, həm gecə məhv edilməsi.
 
Kiyev, Xarkov, Mariupol Putin və işğalçı ordu üçün Stalinqrada, Sevastopola və Brestə çevriləcək!
 
Nəhəng və sıx məskunlaşan ərazini işğal etmək və nəzarətdə saxlamaq üçün Putinin gücü yetərli deyil. Dağıdılan körpülər, yollar, uzanıb gedən kommunikasiyalar daima partizanlarımızın zərbəsi altında olacaq.
 
2. Döyüş əməlyyatlarını dayandırmaq və atəşlərlə işğalçı ordunu geri çəkmək.
 
Sonra xalqa "demilitarizasiya" üzrə əməliyyatın baş tutması barədə bizim hərbi obyektlərimizə endirilən zərbələrin videogörüntülərini yaymaqla xalqa bəyan etmək.
 
Donbasın əvvəllər işğal edilən ərazilərində səngərlənmək, oğurlanan Krımdı geri qaytarmaqdan qətiyyətlə imtina etmək, özünə Şimali Koreyaya bənzər iqtisadiyyat qurmaq, milyonlarla rusiyalını indiyədək görünməyən aclıq və səfalətə düçar etmək. Lakin hakimiyyətdən də bərk yapışmaq.
 
3. Hakimiyyəti Krımdan və Donbasdan könüllü şəkildə imtina edən, dağıdılan iqtisadiyyata və minlərlə həlak edilən ukraynalılara görə çoxmilyardlı reparasiyaları ödəməyə razı olan sələfinə ötürüb çıxıb getmək.
 
4. Rusiyada xalq üsyanı başlayacaq və Putin rejimini devirərək hakimiyyətə yeni elitanı gətirəcək, o da öz növbəsində oğurlananları qaytaracaq və sülh və sanksiyaların götürülməsi müqabilində repsrasiyaları ödəməyə razılaşacaq.
 
5. Rusiyanın dağılması və ya hər birinin ordusu, polisisi və hüquq- mühafizə orqanları olan ayrı-ayrı 89 subyektdən ibatət konfederasiyaya çevrilməsi.
 
Belə ssenari baş verərsə, Rusiyanı Yuqoslaviyanın taleyi, yəni hamının hamı ilə müharibə etməsi gözləyəcək.
 
6. Tarixdə təkcə Putin üçün deyil, bütün Rusiya xalqı üçün ən qalmaqallı özünəqəsd olacaq nüvə müharibəsinə başlamaq. Bu ssenarini mən az ehtimal edirəm.
 
Siçovul çox yaşamaq istəyir
 
Putin bu ssenarilərin hansını seçəcək?
 
Mən bilmirəm və fala baxmayacağam.
 
Putin özünü və Rusiyanı tsuqtsvanqa düçar etdiyinə görə onu yalnız şah və mat gözləyir!
 
Çünki biz bilirik ki, bizim işimiz haqq işidir və biz qalib gələcəyik!
 
Ukraynaya eşq olsun!