“Rusiya-Ukrayna müharibəsinin kökündə Üçüncü Dünya müharibəsi gedir”. 
 
Bunu 2014-cü ildə Rusiya-Ukrayna müharibəsi başlayanda Donbasda üç il xidmət edən, könüllü döyüşçü, snayper qadın Olena deyib. 



“Bütün planlarım və milyonlarla həmvətənlərimin planları Putin tərəfindən əngəllənib”-deyə o, bildirib.   
 
2014-cü ildə Rusiya-Ukrayna müharibəsi başlayanda o vaxt Donbassda cəbhədə xidmət edən və üç il yarım (2014-2017) könüllü birləşmələrdə snayper kimi döyüşən kiyevli Olena mətbuata danışıb. O, milyonlarla həmvətəninin planının alt-üst olduğunu bildirib. 
 
"Mənim və milyonlarla həmvətənlərimin bütün planları Putin tərəfindən alt-üst edildi. Müharibə onların evlərinə gələndə çoxlu dinc kişi və qadınlar orduya və müdafiə hissələrinə qoşuldular. Xalq çox qəzəblidir və düşməni yalın əllə məhv etməyə hazırdır.  İndi yalnız iki ölkənin müharibəsinin kökündə Üçüncü Dünya Müharibəsi gedir. Rusiya bütün sivil dünyaya qarşı, Ukrayna isə bütün sivil dünya üçün vuruşur”-deyə o, bildirib. 



2014-cü ilin fevralında Rusiyanın Krımı işğalından sonra başlayan müharibədə xidmətə başlayan Kiyevli Olena könüllü qoşulduğu bölmələrdə snayper kimi xidmət edib. Olena 2018-ci ildə Ukrayna Hərbi Dəniz Qüvvələrində xidmət edib. 2020-ci ildə tərxis olunduqdan sonra mülki həyata qayıtmaq və ailəsi ilə vaxt keçirmək qərarına gəlib. Lakin fevralın 24-də başlayan müharibə Olenanın bu planlarını təxirə salmasına səbəb olub:
 
"Ordudan tərxis olunduqdan sonra mülki həyatımı davam etdirəcəyimi, həyatımı ailəmə həsr edəcəyimi, iki sənədli kitabımı yazıb nəşr etdirəcəyimi düşündüm. Bütün planlarım və milyonlarla həmvətənlərimin planları Putin tərəfindən puça çıxdı. Müharibə onların evlərinə qədər gəlib çıxdı, çoxlu dinc kişi və qadınlar orduya və müdafiə hissələrinə qatıldılar.  Onlar heç nədən qorxmurlar. Rus təbliğatına aldanan rus əsgərləri düşünürdülər ki, Ukraynada gül-çiçəklə qarşılanacaqlar. Amma güllə, zenit və tank əleyhinə silahlarla qarşılandılar. Düşmən böyük itki verir”. 



Olena sonda bir daha dünya ölkələrinə müraciət edərək kömək istəyib: "Mən hamıya müraciət etmək istəyirəm. Kişilər və qadınlar eynidir. Xahiş edirəm dərk edin ki, təkcə özümüzü yox, bütün dünyanı nüvə silahıyla hədələyən bir ölkədən qoruduğumuzun fərqinə varın.  Biz qalib gələcəyik, amma xahiş edirəm bizimlə çiyin-çiyinə durun.Ukraynaya daha çox silah verin, daha çox anti-Rusiya sanksiyaları tətbiq edin, qaçqınlarımıza kömək edin. Bizə inanın, bizimlə olun. Biz birlikdə qalib gələcəyik"-deyə o, bildidib.