Britaniyaya sığınan ukraynalı qadınlara təcavüz edirlər
– ŞOK İDDİA
Böyük Britaniyaya sığınan ukraynalı qadınlar ingilis kişilər tərəfindən təqiblərə, təhqirlərə və əxlaqsız təkliflərə məruz qalır.
Globall.az xəbər verir ki, bu barədə “Guardian” nəşri məlumat yayıb.
Qeyd edilib ki, Britaniyada “Ukrayna üçün evlər” proqramı çərçivəsində bu ölkəyə gələn qadınlar xoşagəlməz durumla üzləşiblər.
Məlumata görə, Britaniyada yaşamaq istəyən ukraynalılardan viza prosedurları üçün yaşayış yerini qeyd etmələri tələb olunur. Proqram ev mübadiləsi üçün ukraynalı qaçqınları britaniyalılarla əlaqələndirir və ukraynalılar bu şəkildə ölkədə rahat qala bilirlər. Lakin məlum olub ki, proqramdan sui-istifadə edən britaniyalı kişilər sığınacaq istəyən ukraynalı qadınlara təcavüz edirlər.
Xatırladaq ki, Rusiya-Ukrayna müharibəsi səbəbindən 4,6 milyon ukraynalı evlərini tərk edərək sağ qalmaq üçün başqa ölkələrə sığınıb. (modern.az)