İrəvanda keçirilən etiraz aksiyası zamanı polis əməkdaşları Ermənistanın ikinci prezidenti Robert Köçəryanın kiçik oğlu Levon Köçəryanı saxlayıblar.

Globall.az xəbər verir ki, bu barədə Levon Köçəryan Facebook səhifəsində yazıb.

Kiçik Köçəryan bildirib ki, onu Nor Nork rayonundakı polis bölməsinə aparıblar.



Ermənistan polisinin yaydığı məlumata görə, İrəvan küçələrində nəqliyyatın hərəkəti artıq bərpa olunub.
"Bu gün səhər saatlarında İrəvanın bir sıra küçələrində yolayrıcları bağlanaraq etiraz aksiyaları keçirilib. Polisin çevik tədbirləri sayəsində yolayrıcları qısa müddətdə açılıb, tıxaclar aradan qaldırılıb. Hazırda küçələrdə müntəzəm hərəkət rejimi yaradılıb”, - məlumatda deyilir. (modern.az)

xxx

Ermənistanın paytaxtı İrəvanda baş nazir Nikol Paşinyanın istefası tələbilə keçirilən vətəndaş itaətsizliyi aksiyaları davam etməkdədir.

Globall.az modern.az-a istinadən xəbər verir ki, bu gün səhər bir qrup müxalifət fəalı İrəvanın mərkəzi küçələrindən birini - Komitası bağlayıb. Aksiyada Ermənistanın ilk dəfə ikinci prezident Robert Köçəryanın oğlu Levon Köçəryan da iştirak edib.

Fəallar məşəl yandırıblar. 

Hüquq-mühafizə orqanları fəallara küçəni təmizləmək və nəqliyyatın hərəkətini bərpa etmək üçün 5 dəqiqə vaxt verib. Bundan sonra hüquq-mühafizə orqanları fəalları geri çəkməyə başlayıb.

Müqavimət hərəkatının üzvləri təhlükəsizlik qüvvələri ilə qarşı-qarşıya qalmayıb və şəhərin mərkəzinə doğru irəliləyiblər.

Ermənistan mediası təkcə dünənki aksiyalarda 200-ə yaxın etirazçının saxlandığını yazır.

İrəvanda təxminən iki həftədir baş nazir Nikol Paşinyanın istefası tələbi ilə keçirilən etiraz aksiyaları davam edir.

Müxalifət onun başçılıq etdiyi hökuməti Qarabağ məsələsində yolverilməz güzəştlərə getməkdə ittiham edir.

Etirazçılar İrəvanda "Paşinyan - satqın", "Paşinyan - Azərbaycan və Türkiyə maraqlarına xidmət edir", "Ayağa qalx, Ermənistan", "Nikol-türk" çağırışları ilə yürüşlər keçirir, şəhərin bir hissəsini o biri hissəsi ilə birləşdirən körpüləri, küçə və prospektləri bağlayıb nəqliyyatın hərəkətini iflic etməyə çalışır.