Rus ordusunun səkkiz hücumu dəf edildi
- İki istiqamətdə döyüş gedir
Donbasda döyüşlər iki istiqamətdə davam edir, Rusiya qoşunları hücuma keçməyə çalışır, amma Ukrayna hərbi qüvvələri hücumları dəf edir. Globall.az Teleqraf.com-a istinadən xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb. Rusiya qüvvələri Barabaşivka - Karnauxivka, Suliqivka - Dibrivne, Suliqivka - Nova Dmitrivka istiqamətlərində hücum əməliyyatları keçirməyə cəhd göstərib. Ruslar Baxmut istiqamətində Soledar bölgəsinə hücum təyyarələri ilə zərbələr endiriblər. Eyni zamanda, Spirne - Vimka, Streapivka - Soledar, Vladimirivka, Klınove - Baxmut, Verşina - Kodema istiqamətində hücum döyüşləri aparıb. Amma rus ordusunun hücum əməliyyatları uğurlu alınmayıb, geri çəkilməli olub. Pokrovsk - Baxmut istiqamətində döyüşlər davam edir. Rusiya qoşunları Avdiyiv istiqamətində Marinka, Novomixailovka və Pavlivka yaxınlığında hava hücumlarına başlayıb. Lozovo - Pervomaysk istiqamətində hücum əməliyyatları aparır, döyüşlər davam edir.