Ruhani:
“İrana qarşı silah embarqosunun vaxtı uzadılsa, cavabımız ağır olacaq”
“İrana qarşı silah embarqosunun vaxtının uzadılmasının qarşı tərəf üçün ağır nəticələri olacaq”.
Bunu İran Prezidenti Həsən Ruhani bu gün Nazirlər Kabinetinin iclasında deyib.
O qeyd edib ki, ABŞ İranın nüvə proqramı üzrə Hərtərəfli Birgə Fəaliyyət Planından (HBFP) çıxmasının yanlış olduğunu anlayıb.
“ABŞ hiss edir ki, yaxın aylarda həmin plana əsasən və BMT-nin 2231-ci qətnaməsinə uyğun olaraq, İrana qarşı tətbiq olunan silah embarqosu ləğv olunacaq və İran istədiyi silahları ala biləcək. Onlar HBFP-dan çıxdıqlarının yanlış olduğunu anladıqları üçün indi silah embarqosundan danışırlar. Əgər Planın və BMT qətnaməsinin tələbinə zidd olaraq silah embarqosunun vaxtını uzatmaq istəsələr, cavabımız ağır olacaq”, – H. Ruhani vurğulayıb./apa
Oxunub: 295
Xəbəri paylaş
Paylaş: