İxtisas seçiminin nəticələri bu tarixdə
AÇIQLANACAQ
"Abituriyentlərin ixtisas seçimi ilə bağlı ərizələri emal olunur. Nəticələr yaxın vaxtda açıqlanacaq". Bu barədə Dövlət İmtahan Mərkəzindən (DİM) Modern.az-ın sorğusuna cavab olaraq məlumat verilib. Bildirilib ki, seçim prosesi avqustun 29-u başa çatıb və bu həftə ərzində nəticələrin elan edilməsi gözlənilir: "Dəqiq tarix söyləmək çətindir. Adətən ixtisas seçiminin nəticələri 4-5 gün sonra elan olunur". Qeyd edək ki, ali təhsil müəssisəslərinə ixtisas seçiminə avqustun 29-u saat 09:00-da yekun vurulub. Ümumilikdə 66744 ərizə təqdim edilib. I qrup üzrə 22331, II qrup üzrə 14642, III qrup üzrə 17692, IV qrup üzrə 5237, V qrup üzrə isə 10527 nəfər ixtisas seçimi ərizəsi təsdiqlənib. Ali təhsil müəssisələrinə ixtisas seçiminin nəticələri elan olunandan sonra 11 illik bazada kolleclərə ixtisas seçiminə start veriləcək.