Bakıda yağan yağışdan sonra yollarda yenidən problemlər yaşanıb.

Globall.az xəbər verir ki, bu barədə BAKU.WS-in "qaynar xətt"inə məlumat daxil olub.

Belə ki, günorta saatlarında başlayan yağış 3-cü mikrorayon dairəsində gölməçələrin yaranmasına səbəb olub.

Sakinlərin redaksiyamıza dediklərinə əsasən, əraziyə 15 gün öncə yeni asfalt örtüyü çəkilib. Lakin kanalizasiya sistemi heç də normal işləmir.

Ərazidə maşın saxlamaq, yol keçmək müşkül məsələyə çevrilib.