Türkiyənin Ordu şəhərində 15 daun sindromlu gənc kafedə işə başlayıb. 

Onların sosiallaşması üçün bu addımın atıldığı bildirilir.

“Kafenin ticarət obyekti kimi fəaliyyət göstərdiyi görünsə də, əsas məqsəd məhdudiyyətli uşaqların ətraf-mühitlə adaptasiya olmaları və cəmiyyətə qaynayıb-qarışmalarını artırmaqdır. Bura qəsəbədə yaşayan sindromlu gənclərin ikinci evi olacaq”, - Altınordu Bələdiyyə Başqanı Aşkın Törən belə deyib.

Kafedə çalışanlardan biri Melike Sima Gürkan deyib ki, belə yerdə işləməsi xəyalı olub: “Allaha şükürlər olsun, arzum gerçəkləşdi. Çox sevincliyəm”. 

“Övladlarımızın ömürboyu bizə bağlı olmasını istəmirik. Onlar burada hər şeyin ən yaxşısını bacara bilərlər. Ana olaraq övladıma güvənirəm” – məhdudiyyətli uşaqlardan birinin anası Nurşən Gülər belə deyib.

Digər daun sindromlu gənclərin valideynləri də oxşar fikirləri bölüşərək yaradılan şəraitə görə məmnunluqlarını ifadə ediblər.