10 dəqiqədə 12 enerji içkisi içdi: Görün sonra nə baş verdi?... Həkimlər şoka düşdülər
Dostlarına özünü göstərmək üçün 10 dəqiqə ərzində 12 enerji içkisi içən şəxs ölümlə üz-üzə gəlib. Xəstəxanada aparılan analizlər hətta həkimləri də təəccübləndirən bir kəşf üzə çıxarıb. Klinik əczaçı Bernard Hsunun YouTube-dakı "Chubbyemu" kanalında 2,6 milyondan çox abunəçisi var. Kanalında 36 yaşlı şahidi olduğu və ya ətrafından eşitdiyi qəribə fövqəladə hadisələri danışır. 6,5 MİLYONDAN ÇOX BAXIŞ ALDI Hsu tərəfindən hazırlanan və 6,5 milyon dəfədən çox baxılan video Qərb mediasında geniş yer tapıb və sosial mediada ən çox müzakirə olunan mövzulardan birinə çevrilib. Sözügedən videoda 'JS' adlı xəstənin 'kəskin qarın ağrısı' ilə xəstəxanaya getdiyi bildirilir. Qarın ağrısının inanılmaz səbəbi və ondan sonra baş verənlər böyük bir dərsdir. 10 DƏQİQƏ İÇİNƏ 12 ENERJİ İÇKİSİ İÇDİ Videoda tam adı çəkilməyən və yalnız “JS” kimi təqdim edilən şəxs əylənmək və dostlarına özünü göstərmək üçün 10 dəqiqə ərzində 12 enerji içkisi içib. VƏZİYYƏT PİSLƏŞDİ Fasiləsiz 12 energetik içki içən şəxs ilk bankalarda ağzında və boğazında kiçik bir qəribəlik hiss etsə də, bütün bankaları içdikdən sonra halı pisləşməyə başlayıb. Ürəyi döyünməyə başlayan adamın mədəsində və belində inanılmaz ağrılar olub. Bu günə qədər kofeinin ona təsir etmədiyini düşünən kişi kompüter oyunları oynayaraq diqqətini yayındırmağa çalışsa da, qusmağa başlayandan sonra xəstəxanaya getməkdən başqa çarəsi olmadığını etiraf edib. XƏSTƏXANADA ŞOK KƏŞF: MƏDƏLƏVZİ ÖZÜNÜ HƏZM ETMƏYƏ BAŞLADI Özünü pis hiss etməsinə baxmayaraq, israrla həkimə getməyi təxirə salan kişi xəstəxanaya gedərkən gözlənilməz sürpriz gözləyirmiş. Mütəxəssislər kişinin nə etdiyini öyrəndikdə dərhal lazımi testləri tətbiq etdilər və şok edici kəşf ortaya çıxdı. JS-nin bədəni 12 qutu enerji içkisinin tərkibində olan təxminən 1 kilo şəkər və kofeinə ayaq uydurmağa çalışarkən, kişinin mədəaltı vəzi özünü həzm etməyə başlayıb. Üstəlik, məsələ bununla da bitmir. Həkimlər təcili müalicə etdikləri adamın bir neçə günə sağalacağını gözləsələr də, vəziyyəti pisləşib. JS-nin şişmiş mədəaltı vəzi yoluxmuş, böyrəkləri və qaraciyəri sıradan çıxmaq ərəfəsində idi. Kişi günlərlə zərdab və antibiotiklərlə müalicə olunduqdan sonra evə buraxılıb. "Əksərimiz bilirik ki, enerji içkiləri həddindən artıq istehlak edildikdə təhlükəli ola bilər" deyən Dr Hsu öz videosunda xəbərdarlıq edib. "Birdən-birə içsəniz, o qədər də böyük problem deyil. Amma bir neçə qutu ard-arda içməyə başlasanız, sonra pis şeylərin baş verməsi ehtimalı var”.