Gəncə şəhərinin girişindəki alüminiumdan hazırlanmış “Qız əlində piyalə” heykəli 1990-ci illərdə birdən-birə yoxa çıxıb.

Globall.az xəbər verir ki, bu barədə tarixçi alim Zaur Əliyev məlumat yayıb. 

O qeyd edib ki, heykəl ya alüminium kimi satılıb, ya da kimsə aparıb hardasa saxlayır.

Gəncə şəhər İcra Hakimiyyətinə sorğumuza cavab olaraq mətbuat katibi Gülnar Rzayeva bildirildi ki, abidə haqqında onlarda heç bir məlumat yoxdur.

Qeyd edək ki, heykəlin müəllifi Qorxmaz Sücəddinovdur. Gəncənin girişində olan bu heykəl 4 mərtəbəli bina hündürlüyündə olub.