"Bildiyiniz kimi ikicinsli insanlar var. Bəzi insanlarda müəyyən dövrlərdə hormonlarda dəyişikliklər olur. Bu zaman belə tip insanların həqiqi cinsi müəyyən edilməlidir. Bilinməlidir ki, bu insan faktiki olaraq hansı cinsə məxsusdur”.

Bunu İlahiyyatçı və din xadimi Hacı Şahin "Birinci TV" adlı yutub layihəsinə qonaq olarkən deyib. Hacı Şahin həmin şəxslərin dəfni zamanı əsl cinsinin müəyyənləşdirilməsinin vacib olduğunu bildirib:

“Bunu artıq tibb müəyyənləşdirir. Bəziləri bunu mənim cinsi azlıqlara bəraət verməyim kimi qəbul edir. Amma belə deyil. Müəyyən səbəblər var ki, insan həyatda belə yaranır. Əslində müasir tibdə buna icazə verirlər ki, insan öz həqiqi cinsiyyətinə uyğunlaşsın. O artıq qadın kimi təsdiq olundusa qadın, kişi kimi təsdiq edildisə kişidir. Bu, anormal hallara aiddir. Belə insanlar var, əziyyət çəkirlər ki, nə edək, necə yaşayacaq. Daxili aləmi qadın kimi olur, fiziki baxımdan isə kişi kimi yaradılır və ya tam əksinə. Hətta müəyyən yaşlarda da fiziki quruluşunda da dəyişikliklər olur.  Bunu artıq tibb müəyyən edir. Bzən deyirlər ki, biz onun yaradılışına müdaxilə edirik. Xeyr. İnsan yaradılışı onun ruhu ilə bağlıdır. Məsələn, anadangəlmə şikəst doğulan insanın tibbi müdaxilə ilə normal hala gətirə biliriksə, biz deyə bilmərik ki, onun yaradılışına müdaxilə etməyək. Onların nə üçün yaradılmasının səbəbi araşdırılmalıdır. Tibbi imkanlar buna imkan verirsə ki, insan öz həqiqi cinsini uyğunlaşsın - əslində, bu cinsiyyəti dəyişmək deyil, həqiqi cinsinə uyğunlaşmaqdır. Dəyişdikdən sonra onun seçimi, tibbin də təsdiq etdiyi cinsi nədirsə, bu, onun həqiqi kimliyidir. Həmin şəxs mömin olarsa, qadın kimi təsdiq edilibsə qadın, kişidirsə, kişi hökmlərinə hökmlərinə riayət edir”,- deyə o söyləyib.