Ermənistan parlamentində bu gün baş tutan müzakirələr zamanı “Ermənistan” blokundan olan deputat Ağvan Vardanyan müharibə çağırışı ilə çıxış edib.

O, “iki yaxşı xəbərinin” olduğunu deyib.

“Birincisi odur ki, biz, 90-cı illərdə olduğu kimi, “bütün yolları” açacağıq, Ermənistan və Qarabağ regionda faktora çevriləcək. İkinci yaxşı xəbər odur ki, heç bir “Mülki müqavilə” (hakim partiya nəzərdə tutulur – red.) olmayacaq”, - o bildirib.

Qeyd edək ki, “Ermənistan” blokuna Ermənistanın sabiq prezidenti Robert Köçəryan rəhbərlik edir. Bu blok və onun ətrafında birləşənlər özlərini “revanşist” sayır və tez-tez müharibə ritorikasından istifadə edirlər.