Çin beynəlxalq ehtiyat valyutası kimi dolların zəiflədiyini görmək istəyir.

“Report” “Sky News”a istinadən xəbər verir ki, bunu Ağ Evin iqtisadçısı Jared Bernşteyn deyib.

Onun sözlərinə görə, Çin dolların beynəlxalq ehtiyat valyutası kimi zəiflədiyini görmək istəyir və Konqres dolların dəyərini qorumaq üçün ABŞ-ın borc tavanını artırmalıdır.

“Dolların ehtiyat valyuta statusunu saxlamasına kömək etmək və həmçinin dolların dəyərini qorumaq üçün həqiqətən edə biləcəyimiz yeganə şey borc limitini artırmaq olardı”.