Onurğa sütununun əyriliyi kimi tanıdığımız skolioz xəstəliyi hazırda uşaqların, gənc və yeniyetmələrin bəlasına çevrilib. Hər 100 uşaqdan 3-də görülən və müalicə olunmazsa həyati təhlükə daşıyan skoliozun müalicəsi bir vaxtlar xəyal kimi görünsə də, tibbi yeniliklər nəticəsində artıq reallığa çevrilib.

Müalicəsi mümkün olmayan ağır dərəcəli skoliozlu xəstələr artıq uğurla əməliyyat oluna bilirlər. Skolioz həyat keyfiyyətini əhəmiyyətli dərəcədə aşağı salsa da, tənəffüs və ürək problemlərinə səbəb olsa da, xəstənin yataqda qalmasına, hətta həyatı təhlükə altına almasına baxmayaraq, insanların bu xəstəlik barədə məlumatı çox azdır.

“Acıbadem” Sağlamlıq Qrupu hər il iyun ayında onurğanın sağa və ya sola əyilməsi və fəqərələrin öz ətrafında fırlanması kimi təyin oluna bilən skolioz üçün maarifləndirmə tədbirləri təşkil edir. İctimai tədbirdə mütəxəssislər və xəstəlikdən əziyyət çəkənlər bir araya gəlirlər.

“Acıbadem” Kompleks Onurğa Mərkəzindən Onurğa Cərrahı Professor Ahmet Alanay “mümkün olmayanı” mümkün edən ən son cərrahi üsullardan danışıb, mühüm xəbərdarlıq və tövsiyələr verib.

Bağlama metodu bütün maneələri dəf edir

ABŞ-də tətbiq olunduqdan sonra onu Türkiyə və Avropada ilk dəfə tətbiq edən “Acıbadem” Kompleks Onurğa Mərkəzinin ortopediya və travmatologiya mütəxəssisi professor Ahmet Alanay, bağlama metodunun xüsusilə yeniyetməlik dövründə olan və belində onurğa əyriliyi olan uşaqlar üçün uyğun olduğunu deyir:

 “Bu üsul əyriliyin qabarıq tərəfində onurğanın ön nahiyəsinə yerləşdirilən vintlərin qalın, kordona bənzər polietilenlə bağlanmasını nəzərdə tutur. Vintlər birləşdirildikdən sonra bant bir cihazla bərkidilir və əyrilik müəyyən dərəcədə düzəldilir. Bu prosedurdan sonra əyriliyin qabarıq tərəfi batıq tərəfə nisbətən daha yavaş böyüyərək, onurğa sütununun böyüməsini saxlayaraq əyriliyin tam və ya tamama yaxın şəkildə düzəldilməsinə imkan verir. Lent böyüməni yanlış istiqamətə yönəldir və ona yeni istiqamət verir”.

Görünən kəsik izləri yoxdur

Bağlama üsulu hərəkətə və böyüməyə imkan verir; qaynaşma prosedurundan fərqli olaraq, uzun bir kəsik tələb etmir. Professor Ahmet Alanay əməliyyatın qapalı cərrahiyyə yolu ilə edildiyini bildirir:

“Bağlama proseduru gövdənin yan tərəfində 3 santimetr genişlikdə olan az sayda kiçik kəsiklər vasitəsilə həyata keçirilir. Bu, çapıqların büstqalter və çimərlik paltarları ilə gizlədilməsinə və görünməz qalmasına imkan verir. Bu üsulla müalicə olunan uşaqlar onurğalarını sərbəst hərəkət etdirə bilər, tez sağala, xəstəxanadan evə tez çıxa və daha tez məktəbə qayıda bilərlər”.

3 yeni həyat xilasetmə üsulları

Professor Ahmet Alanay Türkiyədə sıçrayış yaradan 3 ən yeni skolioz müalicə üsulunu açıqlayıb:

“Onurğa naviqasiyası, üçölçülü çap və neyromonitorinqin istifadəsi iflic olma riski yüksək olan və “qeyri-mümkün” hesab edilən əməliyyatları daha təhlükəsiz şəkildə həyata keçirə bilən əməliyyatlara çevirdi”.

O, onurğa cərrahiyyəsində ən yeni 3 həyat qurtaran üsulu izah edib:

1. Onurğa naviqasiyası

Vint taxma zamanı bir səhv korreksiyanı qeyri-mümkün etsə də, onurğa sütunu naviqasiya cihazı və üçölçülü görüntüləmə vasitəsilə artıq vint yerləşdirmə təhlükəsiz və etibarlı şəkildə həyata keçirilir. Onurğa naviqasiyası vintlərin təhlükəsiz yerləşdirilməsini asanlaşdırır. Onurğa naviqasiyası ilə yerləşdirilən vintin dəqiqlik dərəcəsi 100%-ə yaxındır.

2. Neyromonitorinq

Neyromonitorinq əməliyyat boyunca onurğa beynində sinir impulslarının ötürülməsi vəziyyətini göstərən bir texnikadır. O, əməliyyat zamanı onurğa beyninin vəziyyətinin monitorinqini təmin edir və onurğa beynində məlumat çatdırılmasında axsama və ya yavaşlama olduqda siqnal verir. Bu cür dəyişikliklər neyromonitorinq prosedurunu həyata keçirən nevroloq tərəfindən cərraha bildirilir. Bu erkən xəbərdarlıq cərraha yolunda getməyən hər hansı şeyin səbəbini müəyyən edib aradan qaldırmağa imkan verir və onurğa beyni zədələnməsi nəticəsində iflic olma riskini əhəmiyyətli dərəcədə aradan qaldırır.

Üçölçülü Çap Onurğa Modelləri (3D Çap)

Üçölçülü çap texnologiyası xəstənin onurğasının dəqiq surətini çıxarmağa imkan verir. Cərrah 3D modeldə onurğa deformasiyasını asanlıqla görə bilər, faktiki nəticələr və prosedurun çətinlikləri ilə bağlı əvvəlki təcrübəni əldə etmək üçün planlaşdırılmış əməliyyatı modeldə simulyasiya edə bilər. Onu əhatə edən yumşaq toxumalar səbəbiylə tam görə bilmədiyi real quruluşu da cərrah 3D modelə baxaraq daha yaxşı anlaya bilər. Bu modellər skolioz və kifoz kimi anatomiyanı anormal hala gətirən inkişaf etmiş onurğa deformasiyalarının daha təhlükəsiz cərrahi müalicəsini təmin edir, eyni zamanda iflic və ölüm riskini xeyli dərəcədə azaldır.

Qeyd edək ki, “Acıbadem” klinikasının Bakı nümayəndəliyinin xəstələrin məsləhət alması və müalicəsi üçün Türkiyəyə getməsində kömək edəcəyi ofisi Bakı şəhəri, Səməd Vurğun küçəsi 36 ünvanında yerləşir.

Tel.: +994 12 595 96 81

Həmçinin, veb-saytı vasitəsilə, eləcə də rəsmi münayəndəliyə müraciət edərək “Acıbadem”in aparıcı həkimlərindən konsultasiya ala bilərsiniz:

http://www.acibadem.com.az/