Azərbaycan İsveçrə jurnalistlərinə qarşı cinayət işi açır -
Səfir redaksiyaya məktub göndərdi...
Bu barədə virtualaz.org “Neue Zürcher Zeitung” nəşrinə istinadən xəbər verir.
Səfir həmçinin baş redaktora və həmkarlarına Bakıdan icazə almadan Azərbaycanın işğal olunmuş ərazilərinə səfəri ilə əlaqədar cinayət işinin açılacağını bildirib.
“Schweizer Monat” jurnalının sentyabr ayı üçün buraxılış sayı qondarma “Dağlıq Qarabağ Respublikası” na həsr olunub. 34 səhifəlik jurnalın buraxılışında Dağlıq Qarabağ haqda ondan çox məqalə və separatçıların rəhbəri Bako Saakyan barədə reportaj dərc edilib. İsveçrəli jurnalistlər "DQR" dakı siyasi və iqtisadi vəziyyəti izah edib, həmçinin cəbhə bölgəsinə baş çəkiblər.
Səfər İsveçrənin Cənubi Qafqaz Fondu tərəfindən təşkil edilib və maliyyələşdirilib. Ronni Grob və onun üç əməkdaşı Qarabağa səfər zamanı Yerevana da gediblər.
X. İbrahimova məktubda qeyd edib ki, Azərbaycanın ərazi bütövlüyünü tanıyan üzrxahlıq məktubu yazılarsa və jurnalın saytında Dağlıq Qarabağla bağlı materiallar silinərsə, Azərbaycan hökuməti jurnalistlərə qarşı sanksiyalardan imtina edə bilər.
İsveçrə Xarici İşlər Nazirliyi “Neue Zürcher Zeitung” nəşrinin sorğusuna cavab olaraq xatırladıb ki, Azərbaycan tərəfindən icazə almadan tanınmayan Dağlıq Qarabağ "respublikasına" səfərlər "çətinliklər" yarada bilər. Səyahət tövsiyələrində Xarici İşlər Nazirliyi Qarabağa və qonşu işğal olunmuş ərazilərə səfər etməməyi qeyd edib.
"Azərbaycan hakimiyyətinin icazəsi olmadan Dağlıq Qarabağa səfər edən hər kəs Azərbaycan qanunlarına görə cəzalandırıla bilər",- deyə XİN-dən İsveçrənin Azərbaycanın ərazi bütövlüyünə hörmət etməli olduğu qeyd edilib.