Tehrandan ABŞ-yə CAVAB: Azərbaycanla münasibətlərimizə qarışmağa haqqın yoxdur

ABŞ-nin İran və Azərbaycan münasibətlərinə qarışmaq haqqı yoxdur.

Globall.az   Trend-ə istinadən xəbər verir ki, bunu İran XİN sözçüsü Nasir Kənani deyib.

"Amerikalılar regionun məsələlərində müdaxilə etməkdən əl çəksinlər. Amerikalılar ağızlarından böyük sözlər danışırlar", - deyə o bildirib.

Qeyd edək ki, Vaşinqton İranla Azərbaycan arasında imzalanmış dəhliz anlaşmasını da hədəfə alıb. Blinkenin köməkçisi Ceyms Obrayn Azərbaycanı İran və Rusiya ilə birgə hərəkət etməkdə ittiham edib. Halbuki indiyədək ABŞ-ın regional siyasətinə zərbəni Ermənistan vurub, Azərbaycan yox.