İran Xarici İşlər Nazirliyinin rəsmi nümayəndəsi İsmayıl Baqai bəyan edib ki, 

Tehran heç vaxt ABŞ-la danışıqları etimada əsasən aparmayıb, 

çünki Vaşinqtonun öz öhdəliklərini pozmaq tarixçəsi yaxşı məlumdur.
Bu barədə Mehr agentliyi məlumat yayıb.
Baqai vurğulayıb ki, İsrailin son aqressiyası İranın diplomatiyasına və ABŞ-a 

qarşı mövcud olan minimal inam səviyyəsinə ciddi zərbə vurub. 

O, qeyd edib ki, İrana qarşı müharibə təşəbbüsü, əslində, bütün regiona 

qarşı təhlükəsizliksizliyin təbliğidir.
Onun sözlərinə görə, baş verənlər yalnız diplomatik prosesə zərbə 

vurmaqla kifayətlənməyib, eyni zamanda ABŞ tərəfinə qarşı İranın 

onsuz da zəif olan inamını tamamilə sarsıdıb.
“Bir daha qeyd edirəm: biz heç vaxt ABŞ-la danışıqları etimada əsaslanaraq 

aparmamışıq, çünki hamıya məlumdur ki, Vaşinqton İranın nüvə məsələsi 

üzrə götürdüyü öhdəlikləri dəfələrlə pozub.
İsrailin İrana hücumu diplomatiyaya, beynəlxalq normalara və bütün 

regionun sabitliyinə zərbədir”, – deyə Baqai bəyan edib.
Bu bəyanat ABŞ-İran münasibətlərində gərginliyin artdığı və bölgədə 

hərbi qarşıdurma risklərinin yüksəldiyi bir vaxta təsadüf edir.