"Tanınmış sərhədlərin dəyişdirilməsi, dəhlizlərin yaradılması və ya Zəngəzur dəhlizi kimi layihələrin həyata keçirilməsi üçün istənilən addım region ölkələrinin maraqları ilə uyğun gəlməyəcək və kollektiv təhlükəsizliyə birbaşa təhdid olacaq". 

İran parlamentinin yeni bəyanatında belə deyilir.

Fars rejiminin mühafizəkar qanadının üstünlük təşkil etdiyi parlamentin bəyanatında iddia olunur ki, tamamilə mülki infrastruktur olan Zəngəzur dəhlizi guya İranın təhlükəsizliyini təhdid edir: "Cənubi Qafqaz ölkə üçün strateji mövqe daşıyır. Bu bölgə təkcə coğrafi sərhəd deyil, həm də İranın təhlükəsizlik periferiyasının, strateji dərinliyinin və sivilizasiya sahəsinin bir hissəsidir. Onun İranla güclü tarixi, mədəni və hərbi-siyasi əlaqələri olub. İran İslam Respublikası özünün sarsılmaz prinsiplərini rəhbər tutaraq həmişə regional məsələləri regiondankənar qüvvələrin müdaxiləsi olmadan region ölkələri arasında birbaşa dialoq yolu ilə həll etməyə çalışıb… İran İslam Respublikası öz təhlükəsizliyinə və milli maraqlarına qarşı hücum zamanı qətiyyətli müdafiə üçün bütün siyasi, hüquqi və qanuni vasitələrdən istifadə etmək hüququnu özündə saxlayır”.

İran parlamentinin bu bəyanatı belə təəssürat yaradır ki, guya Zəngəzur dəhlizi İrana qarşı hücum təhdidi yaradır. Bəyanatdakı absurd “hücuma cavab hüququ”na gəincə, İran İsraillə 12 günlük savaşda nəyə qadir olduğunu(olmadığını) zatən göstərmişdi./azpolitika