Əfqanıstanda dəhşətli zəlzələ: ölü sayı 800-ə çatdı /Yenilənib
Əfqanıstanda baş verən zəlzələ nəticəsində ölənlərin sayının ən azı 800 nəfərə çatdığını bildirilib.
Press-fakt xarici KİV-ə istinadən xəbər verir ki, bunu Əfqanıstan İslam Əmirliyinin sözçüsü Maulavi Zabihullah Mucahid deyib.
Onun sözlərinə görə, daha 2500 nəfər yaralanıb.
O əlavə edib ki, bu rəqəmlər ilkindir və arta bilər. Xilasetmə işləri davam edir.
Əfqanıstanda 6,2 bal gücündə zəlzələ baş verib.
Zəlzələ Əsədabad şəhərindən 34 km cənub-qərbdə baş verib.
Əfqanıstanda zəlzələ nəticəsində ölənlərin sayı 500-ə çatıb.
Press-fakt "Reuters"ə istinadən xəbər verir ki, bu barədə ölkənin yerli mediası məlumat yayıb.
Yaralıların sayının min nəfəri keçdiyi vurğulanıb.
***
Əfqanıstanda 6 bal gücündə zəlzələ baş verib.
Press-fakt xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Zəlzələ Əsədabad şəhərindən 34 km cənub-qərbdə baş verib.
Zəlzələ ocağı Yerin 10 km dərinliyində yerləşib.
Dağıntılar 250 nəfərin həyatına son qoyub. Çoxlu sayda yaralıların olduğu bildirilir.