DNT strukturu - Rosalind Franklin

Bəlkə də ən məşhur oğurluq hekayəsi alim Rosalind Franklinə aiddir. O, uzun illər DNT-nin molekulyar quruluşu üzərində işləyib, onlarla məqalə və tədqiqatın müəllifi olub. Rosalind bütöv bir nəzəriyyə hazırlayıb və artıq rentgen təcrübələri ilə bunu təsdiqləməyə müvəffəq olub, lakin onun adına böyük kəşflə bağlı heç nə yazılmayıb. Onun çəkdiyi şəkillər xüsusilə aydın olub və DNT-nin quruluşu ilə bağlı nəticələrə yol açıb. Kişi həmkarları öz tapıntılarını Rosalindin tədqiqatına əsaslansalar da, indi DNT strukturunu Vatson və Krikin kəşf etdiyi qeyd olunur. Rosalind Franklin 1958-ci ildə 37 yaşında xərçəng xəstəliyindən vəfat edib.

Kosmosda pulsarlar - Coselin Bell Bernell

Bernell elmə pərəstiş edib və uşaqlıqdan öyrənməklə çox maraqlanıb. O dövrdə təhsil gender əsaslı olub: qızlara yemək bişirmək, oğlanlara isə elm öyrədilib. Coselin bunu ədalətsiz və yanlış hesab edib. O, atasının kitabxanasında maraqlı kitabla rastlaşıb və bu, onun gələcəyini müəyyən edib.

Bernell radio astromoniyası sahəsində ilk addımlarını müəllimi alim Antoni Hevişin rəhbərliyi altında atıb. O, heç vaxt mentoru ilə rəqabət aparmaq niyyətində olmayıb; əksinə, könüllü olaraq ona kömək edib. Ancaq A. Heviş C.Bernellin kəşflərini mənimsəyib. Bununla belə, o, kosmosda pulsarları kəşf edən ilk şəxs olub - sabit siqnalları aşkar edib, onları hesablayıb və elmi izahatını verib.

Antoni buna görə Nobel mükafatı alıb. Bell Bernell heç vaxt mükafata layiq görülməsə də, bir neçə il sonra mücid titulu qazanıb. Bu ədalətsizlik onun kosmosun tədqiqini davam etdirməsinə mane olmayıb. “Siz əslində Nobel mükafatını almamaqla uğur qazana bilərsiniz”, - Coselin sarkazm dolu zarafat edib.

Ulduzlar - Henrietta Suon Livitt

Henrietta Livitt uşaqlıqdan elm öyrənmib. O, böyük səy göstərərək Harvard rəsədxanasına qəbul olub. Qadın həm intellektual, həm də fiziki cəhətdən digərlərindən seçilib, hər gün yeni ulduzları kataloqa salıb. Bir müddət sonra Livitt ulduzların parlaqlığı ilə onların Yerdən uzaqlığı arasında bir model kəşf edib. XX əsrdə Harvard hələ də stereotiplərə çox güvənib, ona görə də onlar onun müstəqil tədqiqatını qəbul etməkdən imtina ediblər.

Bununla belə, onun kəşfi unudulmayıb: Harlou Şepli və Edvard Habbl qadının kəşflərindən işlərində istifadə ediblər və bunun sayəsində elmi dairələrdə məşhurlaşıblar. Livitt heç vaxt layiq olduğu qiyməti almayıb. Onun elmə töhfəsi nəzərə çarpıb, hətta mükafata namizəd də göstərilib, lakin təəssüf ki, o, bunu görə bilməyib.

Livittin qalaktikalararası miqyasda məsafələri dəqiq ölçmək üsulunu kəşf etməsi müasir astronomiyanın kainatın quruluşu və miqyasını anlamasına yol açıb. Kainatın genişləndiyini kəşf edən amerikalı astronom Edvin Hablın nailiyyətləri də Livittin qabaqcıl tədqiqatları sayəsində mümkün olub. Habbl tez-tez deyib ki, Livitt öz işinə görə Nobel mükafatına layiqdir.

Nüvə təzyiqi - Liz Meytner

Nüvə parçalanması prosesi elm dünyası üçün həlledici bir kəşf olub. Parçalanma zamanı atomların qəribə davranışını ilk dəfə görən Liz Meytner bunu tez bir zamanda kişi həmkarları ilə paylaşıb. Meytner təsəvvür edə bilməzdi ki, Stressman və Han onun işinə əsaslanaraq, bir məqalə yazacaqlar. Təbii ki, bütün şöhrət kişilərin payına düşüb.

Vicdan əzabı ilə Nobel mükafatını almağın xoş olub-olmaması sirr olaraq qalıb. Komitə sonradan səhvini etiraf edib. Düzdür, Lizə ayrıca mükafat verilməyib, lakin məşhur dövri cədvəlin 119-cu elementi onun şərəfinə adlandırılıb.

X və Y xromosomları - Netti Stivens

Bütün dərsliklər və ensiklopediyalarda kişilər və qadınlar arasında cinsi fərqlərin kəşfi Tomas Morqanın adı ilə bağlıdır. Halbuki, alim qadın əməyini mənimsəmiş bir hiyləgərdir.

O, Nobel mükafatına layiq görülüb, lakin Nettinin töhfəsi barədə soruşduqda, o, sadəcə olaraq, onun tədqiqatın yalnız texniki aspektləri ilə kömək etdiyini söyləyib və onu bir alim kimi deyil, laborant kimi təsvir edib. Təbii ki, bu sözlərin həqiqətlə heç bir əlaqəsi olmayıb.

Həşərat embriogenezini öyrənərkən Netti Stivens aşkar edib ki, erkək mikrob hüceyrələrində həm X, həm də Y xromosomları var (hərf təyinatları daha sonra ortaya çıxıb), yumurta hüceyrələrində isə yalnız X xromosomları mövcuddur. Kəşfindən sonra Stivens yenə araşdırma aparıb və 1912-ci ildə döş xərçəngindən ölənə qədər Brin-Mor və Kold-Sprinq-Harborda dərs deyib.

Tomas Morqan Netti Stivensin ölümü haqqında belə yazıb: “Müasir sitoloji tədqiqat çoxsaylı mürəkkəb detalların nəzərə alınmasını tələb edir, hər birinin əhəmiyyəti yalnız bir mütəxəssis tərəfindən başa düşülür. Xanım Stivens əhəmiyyətli kəşflərə töhfə verdi və onun işinin nəticələri onun ən yaxşı yaddaşı olacaq - o kiçik detallar olmadan ümumi işin həyata keçirilməsi mümkün deyil”./musavat.com