Gürcüstandan Azərbaycana növbəti təxliyə yekunlaşıb
“Report”un yerli bürosu xəbər verir ki, həmin şəxslər 5 avtobusla Azərbaycanla sərhəddəki “Qırmızı körpü” sərhəd-keçid məntəqəsinə çatdırılıb.
Azərbaycanın Gürcüstandakı səfirliyinin məsul əməkdaşlarının nəzarəti ilə vətəndaşların və soydaşların sərhədi növbəli şəkildə keçmələri təmin edilib.
Təxliyə olunan şəxslər Azərbaycanın Gürcüstandakı səfirliyinin binası qarşısına toplaşır.
Onların ötən gün Tbilisidə koronavirusla bağlı verdikləri testlər neqativ nəticələnib. Səfirlikdən təxliyə olunanlara 48 saat qüvvədə olacaq COVID-19 arayışı veriləndən sonra onlar saat 10:00-da 5 avtobusla Azərbaycanla sərhəddəki “Qırmızı körpü” sərhəd-keçid məntəqəsinə yola salınacaqlar.
Qeyd edək ki, pandemiya dövrü başlayandan bu günədək Gürcüstan vasitəsilə 2 minə yaxın azərbaycanlının Azərbaycana təxliyəsi təmin edilib.