Keçmiş deputat Gülər Əhmədova sosial şəbəkə hesabında Bakı Dövlət Universitetinin (BDU) keçmiş rektoru, akademik Abel Məhərrəmov haqqında geniş və ifşaedici paylaşım edib.

G.Əhmədova Abel Məhərrəmovun illərlə Ramiz Mehdiyevin himayəsində fəaliyyət göstərərək həm akademik, həm də maliyyə baxımından böyük imkanlar əldə etdiyini iddia edib. O qeyd edib ki, Abel Məhərrəmov hələ 2020-ci ildə Ramiz Mehdiyevin nəvəsinin toy mərasimində bu yaxınlığı açıq şəkildə təsdiqləmişdi: “Ramiz müəllim, sizin xidmətinizi böyük qiymətləndiririk. Biz xırda adamlarıq, sizin xidmətinizi xalq da böyük qiymətləndirir. Bu uğurların həyata keçməsinə siz rəhbərlik etmisiniz”, – deyə Abel Məhərrəmov tədbirdə söyləmişdi.

Gülər Əhmədova yazıb ki, Məhərrəmovun bu sədaqəti təsadüfi deyildi, çünki o, məhz Ramiz Mehdiyevin kölgəsində qalaraq saysız-hesabsız təltiflərə, fəxri adlara və mükafatlara sahib olmuşdu. Keçmiş deputatın paylaşımında Abel Məhərrəmovun 1999–2017-ci illər ərzində aldığı 50-yə yaxın mükafatın və fəxri adların tam siyahısı da yer alır.

“Bəli, Ramizə hələ daha çox tərif yağdırmalıydı. Çünki onun sayəsində 50-yə yaxın mükafata, o cümlədən:

1999-cu il – “Yusif Məmmədəliyev adına medal”ı ilə təltif edilmişdi.

11 fevral 2000-ci il – “Əməkdar elm xadimi” fəxri adına layiq görülmüşdür.

2000-ci il – Elm və texnologiya sahəsində səmərəli fəaliyyətinə görə İqtisadi Əməkdaşlıq Təşkilatının (ECO) “Qızıl medal”ına layiq görülmüşdür.

2001-ci il – Türkiyə Respublikasının Qırıqqala Universitetinin Fəxri doktoru adına layiq görülmüşdür.

2002-ci il – “İlin islahatçı rektoru” nominasiyası üzrə qalib olmuşdur.

2003-cü il – “İlin rektoru” seçilmişdir.

2004-cü il – “Azərbaycanın tanınmış alimləri” beynəlxalq müsabiqəsinin qalibi olmuş, “XXI əsrin tanınmış alimi” beynəlxalq diplomu ilə təltif olunmuşdur.

2004-cü il – Rumıniyanın Komandor dərəcəli ali “Qızıl ulduz” ordeni ilə təltif olunmuşdur.

2005-ci il – İngiltərənin Kembric Beynəlxalq Bioqrafiya Mərkəzi tərəfindən “Dünyanın aparıcı təhsil xadimi” seçilmişdir.

2007-ci il – Azərbaycan elminin təbliği və inkişafındakı xidmətlərinə görə “Qızıl buta” mükafatına layiq görülmüşdür.

2007-ci il – “Azərbaycan Həmkarlar İttifaqında xidmətlərinə görə” medalı ilə təltif olunmuşdur.

2008-ci il – Rumıniya Respublikasının Ovidius Universitetinin Fəxri doktoru adına layiq görülmüşdür.

2008-ci il – “Azərbaycan Ədliyyəsinin 90 illiyi” xatirə medalı ilə təltif olunmuşdur.

2009-cu il – “Rusiyanın Həmkarlar İttifaqının 100 illiyi”nə həsr olunmuş yubiley medalı ilə təltif olunmuşdur.

30 oktyabr 2009-cu il – “Şöhrət” ordeni ilə təltif olunmuşdur.[6]

2009-cu il – “Azərbaycan Respublikasının Diplomatik Xidmət orqanlarının 90 illiyi” yubiley medalı ilə təltif olunmuşdur.

2010-cu il – “Avrasiyada əməkdaşlığın daha da möhkəmləndirilməsinə verdiyi töhfələrə görə” Avrasiya Universitetlər Assosiasiyasının medalı ilə təltif edilmişdir.

2010-cu il – Qazaxıstan Respublikasının L. N. Qumilyov adına Avrasiya Milli Universitetinin Fəxri doktoru adı verilmişdir.

2010-cu il – Krım Mühəndis Pedaqoji Universitetinin Fəxri professoru seçilmişdir.

2010-cu il – Amerika Bioqrafiya İnstitutu tərəfindən “Qızıl medal”la təltif edilmişdir.

2010-cu il – “ECO-2010” Gənclər Koalisiyasının “Ekologiyanın Dostu” milli mükafatı verilmişdir.

2010-cu il – Azərbaycan Respublikası Daxili İşlər Nazirliyinin Fəxri fərmanı ilə təltif edilmişdir.

2011-ci il – Birləşmiş Millətlərin İctimai Təltiflər üzrə Şurasının Beynəlxalq Mükafat Birliyinin “Şərəf və Vicdan” Avropa ordeni ilə təltif olunmuşdur.

2011-ci il – Rumıniyanın Təhsil, Araşdırma, Gənclər və İdman Nazirliyi tərəfindən Ovidius Universitetinin 50 illik yubileyinə həsr edilmiş diplomla təltif edilmişdir.

2011-ci il – Qazaxıstan Respublikasının L. N. Qumilyov adına Avrasiya Milli Universiteti tərəfindən “Avrasiyanın fəxri” medalı ilə təltif edilmişdir.

2011-ci il – Avrasiya Universitetlər Assosiasiyasının Fəxri fərmanı ilə təltif olunmuşdur.

2011-ci il – Qanunvericilikdə turizmin inkişafına verdiyi dəstəyə görə “Turizmə dəstək” Gənclər Koalisiyası tərəfindən “Turizm-2011” mükafatı ilə təltif edilmişdir.

2012-ci il – İslam Ölkələri Təhsil, Elm və Mədəniyyət Təşkilatı (ISESCO) tərəfindən “Elm və Texnologiya sahəsində 2012-ci ilin ISESCO mükafatı”na layiq görülmüşdür.

2012-ci il – Çin XR Mərkəzi Millətlər Universitetinin Azsaylı millətlərin dili və ədəbiyyatı İnstitunun Fəxri professoru seçilmişdir.

2012-ci il – Türk Dünyası Araşdırmaları Beynəlxalq Elmlər Akademiyasının diplomu ilə təltif edilmişdir.

2012-ci il – Yaponiyanın Xarici İşlər Nazirliyinin Fəxri fərmanı ilə təltif edilmişdir.

2013-cü il – Avropa elmi-sənaye palatasının “Qızıl medal”ı və diplomu ilə təltif edilmişdir.

2013-cü il – “Azərbaycan Həmkarlar Konfederasiyasının 20 illiyi” yubiley medalı ilə təltif edilmişdir.

2013-cü il – Azərbaycan idmanının inkişafındakı xidmətlərinə görə “Zəfər” yüksək idman nailiyyətləri mükafatı ilə təltif olunmuşdur.

2014-cü il – Albaniya Respublikasının Tirana Texniki Universitetinin Fəxri doktoru adı verilmişdir.

2015-ci il – M. V. Lomonosov adına Moskva Dövlət Universitetinin Fəxri professoru adı verilmişdir.

2015-ci il – Rusiya Federasiyası İstintaq Komitəsinin “Dəstəyə görə” medalı və “Böyük Vətən müharibəsində qələbənin 70 illiyi”nə həsr olunmuş xatirə medalı verilmişdir.

2015-ci il – “Əl-Fərabi adına Qazaxıstan Milli Universitetinin inkişafındakı xidmətlərinə görə” diplomu, “Qızıl medal”ı və Beynəlxalq Dostluq Klubunun Fəxri üzvü diplomu verilmişdir.

2015-ci il – Qazaxıstan Respublikasının İdman və Mədəniyyət Nazirliyinin “Qazax xanlığının 550 illik yubileyi”nə həsr olunmuş diplomu ilə təltif olunmuşdur.

2016-cı il — “Qara Dəniz Hövzəsi Universitetləri Assosiasiyasının inkişafındakı müstəsna xidmətlərinə görə” qızıl medal ilə təltif olunmuşdur.

2017-ci il — “Azərbaycan elminin inkişafındakı böyük roluna, elm və təhsilin inkişafında müstəsna xidmətlərinə görə” Beynəlxalq “Mahmud Kaşqari” mukafatına və medalına layiq görülmüşdür.

2017-ci il — “Türk dövlətlərinin elmi əməkdaşlığının inkişafında səmərəli xidmətlərinə görə” Ümumdünya Türk Xalqları Assambleyasının qərarı ilə “Qızıl medal”a layiq görülmüşdür.

2017-ci il – Azərbaycan elminin və təhsilinin inkişafındakı xidmətlərinə görə “Aşıq Şəmşir” İctimai Birliyi tərəfindən Dədə Şəmşir diplomu ilə təltif olunmuşdu. layiq görülmüş, 19 il BDU-nun rektoru olmuşdu.

Gülər Əhmədova daha sonra yazıb ki, Abel Məhərrəmovun 19 il rektor olduğu dövrdə onun təkcə övladları deyil, “bütün nəsli və kökü bu fürsətdən kifayət qədər yararlanıb”. O əlavə edib ki, bu illər ərzində “yanan kasıb ailələrin tələbə balaları” olub. G.Əhmədova xatırladıb ki, 2014-cü ildə BDU-nun IV kurs tələbəsi Ramilə Kiçiyeva imtahan verdiyini, lakin kəsildiyini və bunun əvəzində ondan 70 manat rüşvət istənildiyini açıqlamışdı. Onun sözlərinə görə, həmin açıqlamadan sonra Abel Məhərrəmov tələbəni məhkəməyə vermişdi. “Amma rüşvətin var olduğunu təkcə Ramilə demədi, bütün Azərbaycan bilirdi”, – G.Əhmədova vurğulayıb.

Keçmiş deputat əlavə edib: “İndi sabah Abel Məhərrəmov da Misir Mərdanov kimi çıxıb desə ki, Ramiz Mehdiyev bizə qarşı əzazillik edib, inanmayın! Çünki Abelin arxasında Ramiz durmasaydı, Abel bu qədər sərvət toplaya bilməzdi”.

G.Əhmədova qeyd edib ki, Abel Məhərrəmovun sərvətləri və mülkləri sadəcə bir universitet rektorunun gəlirləri ilə izah oluna bilməz. O, A.Məhərrəmova və ailəsinə məxsus olduğu iddia edilən əmlak və biznes obyektlərinin siyahısını da açıqlayıb:

“El Faro Hotel Nabran” – ailəvi istirahət mərkəzi, 200 hektar ərazidə, 61 milyon manat dəyərində, qızı İzabellanın adına qeydiyyatdan keçib.

“Mono Liza” – Bakıda ən bahalı və məşhur şadlıq saraylarından biri, 12 milyon manat dəyərində (ünvan: Nərimanov rayonu, Yusif Vəzir Çəmənzəminli, 1596).

“İzabella” şadlıq sarayı – “Elmlər Akademiyası” metrostansiyası yaxınlığında, 23 milyon manat dəyərində.

Bakının 11 müxtəlif ərazisində SPA və idman salonları, hər biri 4-7 milyon manat arası dəyərləndirilir.

“Sahil” ticarət mərkəzində yerləşən “Ramsey” brend mağazası (İtaliya və Türkiyə istehsalı olan kişi kostyumları satışı).

Əhmədova qeyd edib ki, Abel Məhərrəmovun şəxsi avtomobil qarajı da milyarder səviyyəsindədir. Onun dediyinə görə, burada bu markalar yer alır: “Lamborghini, Bentley, Porsche Cayenne, Land Rover, Mercedes AMG (zirehli, 1 milyon 800 min avro dəyərində), Audi Q7, Audi Q8 (450 min avro), Mercedes Gelandevagen (250 min avro), BMW X6 (200 min avro), BMW 760 (400 min avro).”

Bundan əlavə, Gülər Əhmədova Abel Məhərrəmovun mülk və daşınmaz əmlaklarının geniş siyahısını da açıqlayıb:

Binəqədi rayonu (“Vorovski”) ərazisində 2 villa; Quba, Xızı, Nabran, Şüvəlan və Mərdəkan qəsəbələrində villalar;

AMEA yaxınlığında yerləşən milyonçular məhəlləsində ev;

Şərifzadə küçəsində mənzil;

Qızı Nərminə Sadıqovaya məxsus “Qlobus” uşaq bağçası;

8-ci mikrorayonda restoran;

Nəriman Nərimanov heykəli yanında dəyəri 1 milyon manatdan çox olan mənzil.

Paylaşımın sonunda Gülər Əhmədova yazıb: “Hələ də düşünürəm ki, bu adamlarda hansı xüsusiyyət vardı ki, Ramiz Mehdiyev onları düz 30 il qoruyub?”

Press-fakt