İnsanlar üçün ən bədbəxt yaş həddi açıqlandı
ABŞ-dakı Dartmutsk Kolleci və Milli İqtisadi Tədqiqatlar Bürosunun alimləri insan həyatının ən bədbəxt yaş dövrünü açıqlayıblar.
Axar.az xəbər verir ki, onlar bu yaş dövrünün 47-48 yaş arasında olduğu qənaətinə gəliblər.
Bu ruh düşkünlüyü 60 yaşına qədər davam edir, bundan sonra vəziyyət düzəlməyə başlayır və 70 yaşında insanlar yenidən həyatdan zövq almağa başlayırlar.
Tədqiqatçılar bunun xarici amillərdən asılı olmadığını, ancaq vücuddakı biokimyəvi proseslər və hormon səviyyəsinin nəticəsi olduğunu iddia edirlər.