Avstriyanın paytaxtı Vyanada koronavirus əleyhinə etiraz aksiyası keçirilib.
Xarici KİV xəbər verir ki, aksiya zamanı polislə vətəndaşlar arasında qarşıdurma yaranıb. Belə ki, vyananılar “Peyvənd soyqırımını dayandırın”, “(Baş nazir Sebastian) Kurz getməlidir” plakatları ilə etirazlarını bildiriblər.
Nümayişçilər daha sonra şəhərin ən vacib dairəvi yolunu bağlayaraq yürüş ediblər.
Etiraz səbəbiylə şəhərin bəzi yerlərində nəqliyyat ciddi şəkildə pozulub, bir qrup müxalif nümayişçi pandemiyanı bəhanə edərək nümayiş keçirən ifrat sağçı və irqçi qruplara etiraz edib.