Türkiyənin milli aviadaşıyıcısı "Türk Hava Yolları" (THY) şirkəti İstanbul-Gəncə istiqamətində birbaşa aviareyslərə başlayır.
Bu barədə KİV-ə şirkətdən məlumat verilib.
Məlumata görə, aviareyslər həftədə iki dəfə (çərşənbə axşamı və şənbə günü) olmaqla mayın 15-dən həyata keçiriləcək.
Qeyd edək ki, "Türk Hava Yolları" hazırda İstanbul-Bakı, Ankara-Bakı istiqamətində birbaşa aviareyslər həyata keçirir.