Azərbaycanda Hindistan ştammı təhlükəsi:
“Delta” son 6 ayda 60-dan çox ölkədə yayılıb
Artıq dünyanın 11 ölkəsində yeni ştamma rast gəlinib.
Alimlər COVID-19-un Hindistan ştammına (DELTA) yoluxmuş xəstələrin dörd yeni simptomla qarşılaşdıqlarını bəyan edirlər. Belə ki, SARS-CoV-2-nin delta variantına yoluxanlar tez-tez ishaldan şikayətlənirlər. Halbuki pandemiyanın ilk dalğası zamanı bənzər simptom daha az müşahidə edilirdi. Bundan əlavə, Hindistan ştammının pasiyentləri qanqrenaya gətirib çıxaran trombların yaranması ilə qarşılaşırlar. Simptomlar arasında həmçinin eşitmə pozğunluğu və ağır mədə narahatlığı da var. “Delta” variantı son altı ayda 60-dan çox ölkədə yayılıb.
“Delta” variantına qardaş ölkə olan Türkiyədə də yoluxan şəxslər olub. Türkiyənin səhiyyə naziri Fəxrəddin Qoca 134 belə faktın olduğunu təsdiqləyib.
Bu da o deməkdir ki, Hindistan ştammı Azərbaycana hər an daxil ola bilər.
“Bu günə kimi ölkədə Hindistan ştammı rəsmi şəkildə qeydə alınmayıb. Bununla bağlı məlumat olduqda ictimaiyyətlə bölüşüləcək. Bununla belə, epidemioloji vəziyyət nəzərə alınaraq müvafiq sanitariya və gigiyena qaydalarına riayət olunması tövsiyə olunur”.
“Hətta bu barədə aprel ayının əvvəlindən Azərbaycana xəbərdarlığım da olub. Televiziya vasitəsilə insanlara bu ştammın təhlükəsini və buna qarşı olunmalı olan tədbirləri izah etməyə çalışdım. Bir neçə ay keçib və müşahidə edirik ki, Hindistan ştammı dünyada COVID-19-un yeni dalğasının yaranmasına və yaxud yaranacağına səbəb olur”.
Xatırladaq ki, bu günə qədər ölkədə 335 676 nəfər COVID-19-a yoluxub. Onlardan 329 870 nəfəri artıq sağalıb. Ümumilikdə isə virusa yoluxan 4 965 nəfər dünyasını dəyişib.